ରାହୁଲ କ୍ଷମା ମାଗନ୍ତୁ: ସମ୍ବିତ ପାତ୍ର

ନୂଆଦିଲ୍ଲୀ (ବଡ଼ ଖବର ବ୍ୟୁରୋ):ରାହୁଲ ଗାନ୍ଧୀ ନିଜ ମନ୍ତବ୍ୟକୁ ନେଇ କ୍ଷମା ମାଗନ୍ତୁ ବୋଲି କହିଲା ବିଜେପି । ବିଜେପିର ଜାତୀୟ ମୁଖପାତ୍ର ସମ୍ବିତ ପାତ୍ର ଏକ ଖବରଦାତା ସମ୍ମିଳନୀ କରି ରାହୁଲଙ୍କ କ୍ଷମା ପ୍ରାର୍ଥନା ଉପରେ ଜୋର ଦେଇଛନ୍ତି। ସମ୍ବିତ କହିଛନ୍ତି, ରାହୁଲ ଗାନ୍ଧୀଙ୍କୁ କ୍ଷମା ମାଗିବାକୁ ପଡ଼ିବ। ସେ କ୍ଷମା ନ ମାଗିବା ପର୍ଯ୍ୟନ୍ତ ଆମେ ଆମର ଦାବି ଜାରି ରଖିବୁ।

ବିଜେପି ରାହୁଲ ଗାନ୍ଧୀଙ୍କୁ ପ୍ରତିଦିନ କ୍ଷମା ମାଗିବାକୁ କାହିଁକି କହୁଛି ବୋଲି ପ୍ରଶ୍ନରେ ସମ୍ବିତ କହିଛନ୍ତି, ଲଣ୍ଡନରେ ଯଦି ରାହୁଲ ଗାନ୍ଧୀ ଏଭଳି ମନ୍ତ୍ୟବ୍ୟ ଦେବାବେଳେ, ତେବେ ନିନ୍ଦନୀୟ ବିଷୟ। ଏହା ଏକ ସମସ୍ୟା ନୁହେଁ, ଏକ ଷଡ଼ଯନ୍ତ୍ର। ରାହୁଲ ଗାନ୍ଧୀ ହେଉଛନ୍ତି ଆଜିର ରାଜନୀତିର ମିର ଜାଫର। ଆଜିର ମୀର ଜାଫରଙ୍କୁ କ୍ଷମା ମାଗିବାକୁ ପଡିବ।