(ବଡ଼ ଖବର ବ୍ୟୁରୋ): ସମ୍ପୂର୍ଣ୍ଣ ବିଶ୍ୱରେ ଏବେ କରୋନା ପ୍ରକୋପ ଜାରି ରହିଛି । ତେବେ ଭବିଷ୍ୟତରେ ବୈଶ୍ୱିକ ହଟସ୍ପଟ ଚିହ୍ନଟ କରିଛନ୍ତି । ଏହି ହଟସ୍ପଟ ଗୁଡ଼ିକରୁ ହିଁ କରୋନା ସଂକ୍ରମଣ ବ୍ୟାପିବାର ସମ୍ଭାବନା ଅଧିକ ରହିଛି । ରିମୋଟ ସେନ୍ସିଂ ଦ୍ୱାରା ଏଭଳି କିଛି ଅଞ୍ଚଳ ଠାବ କରିଛନ୍ତି ବୈଜ୍ଞାନିକ । ଯେଉଁ ଅଞ୍ଚଳରେ ବାଦୁଡ଼ି ଅଧିକ ମାତ୍ରାରେ ବାସ କରନ୍ତି ସେମାନଙ୍କଠାରୁ କରୋନା ଭାଇରସ ମନୁଷ୍ୟ ଦେହକୁ ଆସିବା ସମ୍ଭାବନା ଅଧିକ ରହିଛି । ଏହି ଗବେଷଣା ପଶ୍ଚିମ ୟୁରୋପରୁ ଦକ୍ଷିଣପୂର୍ବ ଏସିଆ ମଧ୍ୟରେ କରାଯାଇଛି । ବର୍କେଲର ୟୁନିଭର୍ସିଟି ଅଫ କାଲିଫର୍ଣ୍ଣିଆର ଗବେକେ ମାନେ ଏହାକୁ ଠାବ କରିବାରେ ସକ୍ଷମ ହୋଇଛନ୍ତି ।
ତେବେ ଏହି ହଟସ୍ପଟ ମଧ୍ୟରେ ଅଧିକାଂଶ ଚୀନରେ ଅବସ୍ଥିତ ରହିଥିବା ସୂଚନା ମିଳିଛି । ଏହାବ୍ୟତୀତ ଜାପାନ ଓ ଉତ୍ତର ଫିଲିପାଇନ୍ସରେ ମଧ୍ୟ କିଛି ହଟସ୍ପଯ ଠାବ କରାଯାଇଛି । ଗବେଷକ ମାରିଆ କ୍ରିଷ୍ଟିନା କହିଛନ୍ତି ଯେ ଭବିଷ୍ୟତରେ କରୋନା ଭାଇରସ୍ ଯେଉଁ ଅଂଚଳରୁ ବ୍ୟାପିବା ସମ୍ଭାବନା ରହିଛି ତାହା ଠାବ ହୋଇଥିବାରୁ ଏବେ କିଭଳି ସତର୍କତା ପଦକ୍ଷେପ ଗ୍ରହଣ କରାଯିବ ତାହା ସଂପୃକ୍ତ ରାଷ୍ଟ୍ରମାନେ ଚିନ୍ତା କରିବା ଆବଶ୍ୟକ।
