ଏଲଆଇସି ପଲିସିଧାରୀଙ୍କୁ ଝଟକା
ନୂଆଦିଲ୍ଲୀ (ବଡ ଖବର ବ୍ୟୁରୋ): ଏଲଆଇସି ପଲିସିଧାରୀଙ୍କୁ ବଡ଼ ଝଟକା । ପଲିସି ଲପରେ ମିଳିବ ନାହିଁ ଟ୍ୟାକ୍ସ ରିହାତି । ହିଣ୍ଡେନବର୍ଗ ରିପୋର୍ଟ ଆସିବା ପରେ ଆଦାନୀ ଗ୍ରୁପର ଶେୟାର ଦିନକୁ ଦିନ ତଳକୁ ଖସିବାରେ ଲାଗିଛି । ଗୌତମ ଅଦାନୀଙ୍କ ମାମଲାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉପରେ ବିରୋଧୀ କଂଗ୍ରେସ ଆକ୍ରମଣ କରିବାରେ ଲାଗିଛି । ଏହି ମାମଲାର ଯାଞ୍ଚ ପାଇଁ କେନ୍ଦ୍ର ସରକାର ସହମତି ପ୍ରକାଶ କରିଛନ୍ତି । ତେବେ ଏହା ମଧ୍ୟରେ ଦେଶର ସର୍ବବୃହତ ଜୀବନ ବୀମା କମ୍ପାନୀ ଏଲଆଇସିର ପଲିସି ଷ୍ଟାଟସକୁ ନେଇ ଏକ ନୂଆ ତଥ୍ୟ ସାମ୍ନାକୁ ଆସିଛି ।
ପୂର୍ବରୁ କେନ୍ଦ୍ର ସରକାର ଏଲଆଇସି ପଲିସିଧାରୀଙ୍କୁ ମୋଟା ଅଙ୍କର ରିହାତି ଫାଇଦା ଦେଉଥିଲେ । ମାତ୍ର ଏବେ ନିୟମରେ ଏକ ବଡ଼ଧରଣର ପରିବର୍ତ୍ତନ କରାଯାଇଛି । ଫଳରେ ଏଲଆଇସି ପଲିସି ନେବା ପରେ ଏଣିକି ଗ୍ରାହକଙ୍କୁ ଟ୍ୟାକ୍ସ ପଇଠ କରିବାକୁ ପଡ଼ିବ । ୫ ଲକ୍ଷ ଟଙ୍କାରୁ ଅଧିକ ପ୍ରିମିୟମ ଯୁକ୍ତ ପଲିସିର ମାଚ୍ୟୁରିଟି ଉପରେ ଏଣିକି ଟ୍ୟାକ୍ସ ପ୍ରଦାନ କରିବାକୁ ପଡ଼ିବ । ଅର୍ଥାତ ଏବେ ଯଦି କୌଣସି ବ୍ୟକ୍ତି ଟ୍ୟାକ୍ସ ବଞ୍ଚାଇବା ପାଇଁ ଏଲଆଇସି ପଲିସି ନେଉଛନ୍ତି ତେବେ ଆଗାମୀ ଦିନରେ ସେ ଏହାକୁ ନେବା ବନ୍ଦ କରିଦେବେ ।