ଦେଢଶୁର ମଦବୋତଲ ମାଡ଼ରେ ଭାଇବୋହୂ ଗୁରୁତର

ବାଲିଆପାଳ (ବଡ଼ ଖବର ବ୍ୟୁରୋ):  ନୃଶଂସ ସାଜିଲା ଦେଢଶୁର। ପୂର୍ବ ଶତ୍ରୁତାକୁ କେନ୍ଦ୍ରକରି ଭାଇବୋହୂ ଉପରେ ମରଣାନ୍ତକ ଆକ୍ରମଣ କଲା ଦେଢଶୁର। ଏଭଳି ଦୃଶ୍ୟ ଦେଖିବାକୁ ମିଳିଛି ବାଲେଶ୍ୱର ଜିଲ୍ଲା ସିଂଲା ଥାନା ସାଉଡି ଗ୍ରାମରେ । ସାଉଡି ଗ୍ରାମର ଦୁଇଭାଇ କିଶୋର ଚନ୍ଦ୍ର ମଲ୍ଲିକ ଓ ସାନଭାଇ ଦୁର୍ଯ୍ୟଧନ ମଲ୍ଲିକ। ଉଭୟ ପରିବାର ମଧ୍ୟରେ ବିଭିନ୍ନ ସମୟରେ କଳହ ଲାଗି ରହୁଥିବା ବେଳେ ମାସେ ତଳେ ଦେଢଶୁର ଦୁର୍ଯ୍ୟଧନ ସାମାନ୍ୟ କଥାରୁ ସାନଭାଇ ର ସ୍ତ୍ରୀ ନଳିନୀକୁ ମରଣାନ୍ତକ ଆକ୍ରମଣ କରିଥିଲା ।

ଯାହାକୁ ନେଇ ଥାନାରେ ମାମଲା ହୋଇଥିଲା। ତେବେ ସେହି ପୂର୍ବ ରାଗକୁ କେନ୍ଦ୍ରକରି ଦୁର୍ଯ୍ୟଧନ ଘରେ ନଥିବାର ସୁଯୋଗ ନେଇ ଦେଢଶୁର କିଶୋର ଭାଇବୋହୂ ନଳିନୀଙ୍କୁ ମରଣାନ୍ତକ ଆକ୍ରମଣ କରିଥିଲେ। ମଦବୋତଲ ମାଡରେ ନଳିନୀଙ୍କ ମୁଣ୍ଡରେ ଗଭୀର ଆଘାତ ଲାଗିଥôଲା । ପରିବାର ଓ ଗ୍ରାମବାସୀ ନଳିନୀକୁ ଆମ୍ବୁଲାନ୍ସରେ ବସ୍ତା ଡ଼ାକ୍ତରଖାନାକୁ ନେଇଥିବା ଜଣାପଡିଛି।