ସହାୟତା ଅପେକ୍ଷାରେ ଗାୟକ ଶକ୍ତି ମିଶ୍ର
ଢେଙ୍କାନାଳ(ବଡ଼ ଖବର ବ୍ୟୁରୋ): ‘ବୟସର ରାଜପଥରେ ମନ ହେଲେ ବାଟବଣା, ଘଟିଥାଏ ଥରେ ଥରେ ମିଠାମିଠା ଦୁର୍ଘଟଣା…. । ଏକଦା ଏହି ଗୀତ ଓଡ଼ିଶାର ଅସଂଖ୍ୟ ସଙ୍ଗୀତ ପ୍ରେମୀଙ୍କ ମହଲରେ ଚହଳ ସୃଷ୍ଟି କରିଥିଲା । ଏହି ଗୀତଟିକୁ ଗାଇଥିଲେ ଓଡ଼ିଆ ସଙ୍ଗୀତ ଦୁନିଆର ସ୍ୱନାମଧନ୍ୟ କଣ୍ଠଶିଳ୍ପୀ ଶକ୍ତି ମିଶ୍ର । କେବଳ ଏହି ଗୀତ ନୁହେଁ ମୋର ଭୁଗୋଳରେ ଭଳ ହେଉଥିଲା, ତାର ଲମ୍ବା ବେଣୀ, ସାତ ମେଘର ଓଢଣା ଟାଣି, ମେଘରେ ମେଘ ଭଳି ଅନେକ ହିଟ୍ ଗୀତ ଅଛି ଯାହା ଆଜି ମଧ୍ୟ ଶ୍ରୋତାଙ୍କ ମନରେ ତାଜା ହୋଇ ରହିଛି ।
କିନ୍ତୁ ଦୁଃଖ ଓ ପରିତାପର ବିଷୟ ସେ ଆଜି ମୃତ୍ୟୁ ସହ ଲଢେଇ କରୁଛନ୍ତି । ହୃତପିଣ୍ଡରେ ବ୍ଲକେଜ ହେବା ସହ ତାଙ୍କ ଲିଭର ସମ୍ପୂର୍ଣ୍ଣ ନଷ୍ଟ ହୋଇଯାଇଛି । ଲିଭର ପ୍ରତିରୋପଣ ପାଇଁ ୩୦ ଲକ୍ଷ ଟଙ୍କା ଲୋଡା ଥିବା ବେଳେ ସେ ଅର୍ଥାଭାବର ସମ୍ମୁଖୀନ ହୋଇଛନ୍ତି । ସରକାରଙ୍କ ସମେତ ଅଗଣିତ ଶ୍ରୋତାବନ୍ଧୁ ଓ ପ୍ରଶଂସକଙ୍କ ସହାୟତାକୁ ଶକ୍ତି ଅପେକ୍ଷା କରିଛନ୍ତି । ତାଙ୍କ ସହଯୋଗ କରିବା ପାଇଁ ତାଙ୍କ ଆକାଉଣ୍ଟ ନମ୍ବର-୨୦୨୨୬୮୦୦୯୯୯, ଆଇଏଫଏସସି କୋଡ଼- ଏସବିଆଇଏନ୦୦୦୮୫୮୨ କିମ୍ବା ଫୋନ୍ ପେ ନମ୍ବର ୯୮୬୧୦୪୯୧୮୦ରେ କିଛି ଆର୍ଥିକ ସାହାର୍ଯ୍ୟ କରିବାକୁ ତାଙ୍କ ପରିବାର ପକ୍ଷରୁ ନିବେଦନ କରାଯାଇଛି ।