ଉତ୍ତରାଖଣ୍ଡରେ ଭୟଙ୍କର ଭୂସ୍ଖଳନ

ଡେରାଡୁନ(ବଡ଼ ଖବର ବ୍ୟୁରୋ): ଉତ୍ତରାଖଣ୍ଡରେ ଭୟଙ୍କର ଭୂସ୍ଖଳନ । ଋଷିକେଶରୁ ଶ୍ରୀନଗର ଅଭିମୁଖେ ଯାଉଥିବା ରାଜପଥରେ ପର୍ବତର ଏକ ବଡ଼ ଅଂଶ ପ୍ରଚଣ୍ଡ ଶବ୍ଦରେ ଖସିପଡିଥିବାର ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହୋଇଛି । ପାଗ ଖରାପ ଯୋଗୁଁ ଗତ କିଛି ଦିନ ହେବ ଉତ୍ତରାଖଣ୍ଡରେ ଭୂସ୍ଖଳନ ହେଉଥିବାର ଖବର ଆସିଥିଲା ।

ହେଲେ ଆଜି ଟୋଟା ଉପତ୍ୟକା ନିକଟ ଜାତୀୟ ରାଜପଥରେ ଭୂସ୍ଖଳନ ହେବାର ଏକ ଭୟଙ୍କର ଭିଡିଓ ସାମ୍ନାକୁ ଆସିଛି । ଏହି ସମୟରେ ସେଠାରେ ଠିଆ ହୋଇଥିବା ଲୋକମାନେ ଦୌଡି ସେଠାରୁ ପଳାଇ ଯାଇଥିଲେ । ଭୂସ୍ଖଳନ ଯୋଗୁଁ ରାଜପଥ ସାମୟିକ ଭାବେ ବନ୍ଦ ହୋଇଯାଇଛି । ଫଳରେ ଯାନାବାହନ ସେଠାରେ ଅଟକି ରହିଛି । ଅଧିକାଂଶ ଲୋକେ ସେଠାରେ ଫସିରହିଛନ୍ତି ।