କଟୁରୀ ଧରି ୫ ଜଣ ପୋଲିସଙ୍କୁ ହାଣିଲା ଅଭିଯୁକ୍ତ

ନୀଳଗିରି (ବଡ଼ ଖବର ବ୍ୟୁରୋ): ତିନି ଅଫିସର ସମେତ ସମୁଦାୟ ପାଞ୍ଚ ପୋଲିସଙ୍କୁ ଗୋଡ଼ାଇ ହାଣିଲା ଅଭିଯୁକ୍ତ । ୨୦୨୧ ମସିହାରେ ଏକ ହତ୍ୟା ଉଦ୍ୟମ ଘଟଣାରେ ସମ୍ପୃକ୍ତ ଥିବା ଜାମୁଡ଼ିହି ଗ୍ରାମର ପଦ୍ମଲୋଚନ ପାତ୍ରଙ୍କୁ ଆଜି ସକାଳେ ଜଣେ ଗ୍ରାମରକ୍ଷୀ କୋର୍ଟ ସମନ ଦବା ପାଇଁ ଯାଇଥିବାବେଳେ ତାଙ୍କୁ ଆଶ୍ଳୀଳ ଭାଷାରେ ଗାଳି ଗୁଲଜ କରିଥିଲେ ।

ଏହା ଜାଣିବାକୁ ପାଇବା ପରେ ତିନି ଅଫିସର ସମେତ ମୋଟ ପାଞ୍ଚ ଜଣ ଘଟଣାସ୍ଥଳକୁ ଯାଇଥିଲେ । ତେବେ ଉତକ୍ଷିପ୍ତ ଥିବା ପଦ୍ମଲୋଚନ ହଠାତ ଏକ କଟୁରୀ ଧରି ପାଞ୍ଚ ପୋଲିସଙ୍କୁ ଗୋଡ଼ାଇ ଗୋଡ଼ାଇ ଆକ୍ରମଣ କରିଥିଲା । ପରେ ପୋଲିସ ଅଭିଯୁକ୍ତକୁ କାବୁ କରି ଥାନାରେ ଅଟକ ରଖିଥିଲେ ।