କୂଅରେ ଭାସୁଛି ଶବ

ଗଞ୍ଜାମ ( ବଡ଼ ଖବର ବ୍ୟୁରୋ): କୂଅରେ ଭାସୁଛି ମୃତଦେହ । ଗଞ୍ଜାମ ଜିଲ୍ଲା ଖଲ୍ଲିକୋଟ ଥାନା ଅନ୍ତର୍ଗତ ବେଗୁନିଆପଡା ବ୍ଲକ୍ ବି.ନୂଆପଲ୍ଲୀ ସୀମାନ୍ତରେ ଥିବା ଏକ କୁଅରେ ଭାସୁଛି ଯୁବକଙ୍କ ଗଳିତ ମୃତଦେହ । ଖବର ପାଇ ଘଟଣାସ୍ଥଳରେ ବେଗୁନିଆପଡ଼ା ଫାଣ୍ଡି ଅଧିକାରୀ ଦୀପ୍ତିରଞ୍ଜନ ବେହେରା ପହଁଚିଥିଲେ ।

ଏହାପରେ ଖଲ୍ଲିକୋଟ ଥାନା ପୋଲିସ ମଧ୍ୟ ପହଁଚି ଘଟଣାର ଅନୁସନ୍ଧାନ କରୁଛନ୍ତି । କୋଦଳା ଅଗ୍ନିଶମ ବାହିନୀ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି । ଯୁବକ ଜଣଙ୍କ ଦାନପୁର ଗ୍ରାମର ଟୁଙ୍ଗୁରୁ ଦାସଙ୍କ ପୁତ୍ର ସୀମାଞ୍ଚଳ ଦାସ ବୋଲି ଜଣାପଡିଛି । ପିଲାଟି ଦିନରୁ ସେ ମାମୁଁ ଘର ଗାଁ ବିରିବଟିଆରେ ରହୁଥିଲା । ତେବେ ମାସେ ତଳୁ ନିଖୋଜ ଥିବା କଥା ସୀମାଞ୍ଚଳଙ୍କ ବାପା କହିଛନ୍ତି।