ଜମିପଟା ନାଁରେ ଲୋକଙ୍କୁ ଭୂଆଁ ବୁଲାଉଛନ୍ତି ମୁଖ୍ୟମନ୍ତ୍ରୀ

ଯୋଡ଼ା (ବଡ଼ ଖବର ବ୍ୟୁରୋ): ଜମିପଟା ନାଁରେ ଲୋକଙ୍କୁ  ଭୂଆଁ ବୁଲାଉଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ମାଟିରେ ମିଶିବ ୫୯ ଘର । ବାସହରା ହେବେ କୋଇଲା ହଟିଙ୍ଗ ଓ ପାଗଳା ହଟିଙ୍ଗର ୫୯ ଟି ପରିବାର । କିଛିଦିନ ପୂର୍ବରୁ ଜମି ଅଧିକାର ଆଇନ ବଳରେ ଆରମ୍ଭ ହେଲା ” ଜାଗା ମିଶନ ” । ଏହି ମିଶନରେ ଯୋଡ଼ା ପୌରାଞ୍ଚଳର ୧୪ ଟି ୱାଡ଼ରେ ୫୩୯ ଯୋଗ୍ୟ ହିତାଧିକାରୀଙ୍କୁ ସାମିଲ କରାଯାଇଥିଲା ।

ହେଲେ ଜମି ଅଧିକାର ଆଇନର ଯୋଗ୍ୟ ଲୋକମାନଙ୍କୁ ରେଳ ବିଭାଗ ୪୮ ଘଣ୍ଟା ଭିତରେ ଘର ଖାଲି କରିବାକୁ ନୋଟିସ ଦେଇଥିଲା । ୧୩ ତାରିଖରେ ବାଂଶପାଣି ରେଳ ଷ୍ଟେସନରେ ଆରପିଏଫ ଯବାନଙ୍କ ମାଡ଼ରେ ଜଣେ ସ୍ଥାନୀୟ ଯୁବକର ମୃତ୍ୟୁ ଘଟିଥିଲା । ଏହାର ପ୍ରତିବାଦରେ ଉତକ୍ଷିପ୍ତ ହୋଇ ସ୍ଥାନୀୟ ଲୋକେ ଆରପିଏଫ ଯବାନଙ୍କୁ ଆକ୍ରମଣ କରିବା ସହିତ ଷ୍ଟେସନରେ ଅନେକ ଭଙ୍ଗା ରୁଜା କରିଥିଲେ । ପରେ ଆକ୍ସନ ମୁଡ଼କୁ ଆସିଥିଲା ରେଳ ବିଭାଗ ।