ନବୀନଙ୍କୁ ଶକ୍ତିହୀନ ମନେ କଲେଣି ବିଜେଡି ନେତା: ପ୍ରତାପ ଷଡଙ୍ଗୀ

ଭୁବନେଶ୍ୱର (ବଡ଼ ଖବର ବ୍ୟୁରୋ) : ବିଜେଡିକୁ ଟାର୍ଗେଟ କଲେ ପ୍ରତାପ ଷଡ଼ଙ୍ଗୀ । ବିଜେଡି ନେତାଙ୍କର ଶକ୍ତି ନାହିଁ। ନବୀନଙ୍କ ଶକ୍ତିରେ ସେମାନେ ଲଢ଼ୁଥିଲେ। ନବୀନଙ୍କୁ ଶକ୍ତିହୀନ ମନେ କଲେଣି ବିଜେଡି ନେତା। ସେଥିପାଇଁ ପାଣ୍ଡିଆନଠୁ ଶକ୍ତି ସଂଗ୍ରହ ପାଇଁ ଉଦ୍ୟମ କରୁଛନ୍ତି। ତାଙ୍କ ପାଖରେ ନତ ମସ୍ତକ ହେଉଛନ୍ତି। ବିଜେଡିରେ କିଛି ନୀତି ନିୟମ ନାହିଁ। ସମସ୍ତ ସମ୍ବିଧାନକୁ ଭୁଲି ଜଣେ ସଚିବଙ୍କୁ ଏମିତି ଅଧିକାର ଦେଲେ ଯେ ବିନା ବଜେଟରେ ହଜାର ହଜାର କୋଟି ଟଙ୍କା ଫାଙ୍କା କରିଦେବେ। ଗ୍ରାମ ସଭା ନାହିଁ, ପଲ୍ଲୀ ସଭା ନାହିଁ। ବିଜେଡି ଠିକାଦାରଙ୍କୁ କାମ ଦେଇ ରାଜନୈତିକ ପାଣ୍ଠି ସଂଗ୍ରହ କରାଯାଉଛି। ଆଜି ଓଡିଶାବାସୀଙ୍କ ମନରେ ସମ୍ଭବତଃ କିଛି ଚେତନା ଆସିଲାଣି। କିନ୍ତୁ ବିଜେଡି ନେତା ମାନେ ଜାଣି ପାରୁନାହାନ୍ତି।