ମଡର୍ଣ୍ଣା ଟିକାକୁ ଆଜି ଅନୁମତି ଦେଇପାରେ ଡିସିଜିଆଇ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଭାରତରେ ଖୁବ ଶୀଘ୍ର ମିଳିବ ମଡର୍ଣ୍ଣା ଟିକା । ଫାର୍ମା କମ୍ପାନୀ ସିପଲା ଟିକା ଆମଦାନୀ ପାଇଁ ଡ୍ରଗ କଣ୍ଟ୍ରୋଲର ଜେନେରାଲ ଅଫ ଇଣ୍ଡିଆରୁ ଅନୁମତି ମାଗିଛି । ତେବେ ଡିସିଜିଆଇ ଏଥିପାଇର୍ ଅନୁମତି ଦେଇପାରେ । ଅନୁମତି ମିଳିଲେ ୧୮ବର୍ଷରୁ ଉଦ୍ଧ୍ୱର୍ ବ୍ୟକ୍ତିଙ୍କୁ ଏହି ଟିକା ଦିଆଯିବ । ତେବେ ମଡର୍ଣ୍ଣ ଟିକାର ମାନବ ପରୀକ୍ଷଣରେ ସଫଳତା ହାର ୯୪.୫% ରହିଛି । କେବଳ ଆମେରିକାରେ କମ୍ପାନି ପକ୍ଷରୁ ୩୦ ହଜାର ଲୋକଙ୍କ ଶରୀରରେ ଏହି ପରୀକ୍ଷା କରାଯାଇଥିଲା । ଏବଂ ଏଥିରେ ଯେଉଁ ସଫଳତାର ହାର ଆସିଲା ତାହା ସମସ୍ତଙ୍କୁ ଖୁସି କରିଦେଲା ।

କରୋନା ଟିକା ପ୍ରସ୍ତୁତ କରିବା ପାଇଁ ଆମେରିକା ସରକାର ମଡର୍ଣ୍ଣା କମ୍ପାନିରେ ୧ ବିଲିୟନ ଡଲାର ଅଥାତ୍ ସାଢେ ୭ ହଜାର କୋଟି ଟଙ୍କା ଗବେଷଣାରେ ଲଗାଇଥିଲେ । ଏହାଛଡା ୧୦ କୋଟି ଟିକା ପାଇଁ ୧୧ ହଜାର କୋଟି ଟଙ୍କା ଦେଇଛନ୍ତି ଆମେରିକା ସରକାର । ଟିକାର ସଫଳତା ହାର ୯୦ ପ୍ରତିଶତରୁ ଅଧିକ ରହିଛି । ମଡର୍ଣ୍ଣା ଟିକାର ଆଉ ଏକ ପ୍ରମୁଖ ଦିଗ ହେଉଛି ଏହାକୁ ଫାଇଜର ଟିକା ଭଳି ମାଇନସ୍ ୭୦ ଡିଗ୍ରୀ ସେଲସିୟସରେ ରଖିବାକୁ ପଡିବ ନାହିଁ । ତେଣୁ ଭାରତରେ ମଧ୍ୟ ଏହି ଟିକା ଉପଲବ୍ଧ ହେବାର ଅଧିକ ସମ୍ଭାବନା ରହିଛି ।