ରାସ୍ତାରେ ଜଳିଲା ଶବ

ସମ୍ବଲପୁର(ବଡ଼ ଖବର ବ୍ୟୁରୋ): ରାସ୍ତାରେ ଜଳିଲା ଶବ । ମଶାଣିରେ ଶବ ଦାହ ପାଇଁ ଯାଗା ମିଳିଲା ନାହିଁ । ଫଳରେ ସମ୍ପର୍କୀୟମାନେ ରାସ୍ତାରେ ଶବ ଦାହ କରିଛନ୍ତି । ଏଭଳି ଦୃଶ୍ୟ ସମ୍ବଲପୁର ଅଇଠାପାଲି ଅଞ୍ଚଳରେ ଘଟିଛି । ଅଇଁଠାପାଲି ଥାନା ଅଂଚଳର ଜଣେ ଲୋକଙ୍କର ମୃତ୍ୟ ହୋଇଥିଲା । ପରିବାର ଲୋକେ ଶବକୁ ସ୍ଥାନୀୟ ଶ୍ମଶାନକୁ ନେବା ବେଳେ ସମ୍ବଲପୁର ମହାନଗର ନିଗମର ଜଣେ ଅଧିକାରୀ ବାରଣ କରିଥିଲେ ।

କୋଭିଡ ସଂକ୍ରିତ ରୋଗୀଙ୍କ ମୃତ୍ୟୁ ହେଲେ ସେହି ଶ୍ମଶାନରେ ଶବ ଦାହ କରାଯାଉଛି ବୋଲି ଅଧିକାରୀ ଜଣକ କହିଥିଲେ । ସେଠାରେ ସାଧାରଣ ଲୋକଙ୍କ ଶବଦାହକୁ ଅନୁମତି ଦିଆଯିବ ନାହିଁ ବୋଲି ଅଧିକାରୀ ଜଣକ କହିବା ପରେ ମୃତ ବ୍ୟକ୍ତିଙ୍କ ସମ୍ପର୍କୀୟଙ୍କ ସହ ତାଙ୍କର ଧସ୍ତାଧସ୍ତି ହୋଇଥିଲା । ଶେଷରେ ପରିବାର ଲୋକେ ଶବକୁ ଜାଗା ରାସ୍ତା ଉପରେ ଦାହ କରିଥିଲେ ।