୨୨ଘଣ୍ଟା ପରେ ଉଦ୍ଧାର ହେଲା କଉଡ଼ିଆଙ୍କ ମୃତ ଦେହ

ବାଲେଶ୍ୱର(ବଡ଼ ଖବର ବ୍ୟୁରୋ):  ସାଳନ୍ଦା ନଦୀରୁ ଦୁଇ କଉଡ଼ିଆଙ୍କ ମୃତ ଦେହ ଉଦ୍ଧାର ହୋଇଥିବା ଖବର ସାମ୍ନାକୁ ଆସିଛି ।ଗତକାଲି ପାଣି ଉଠାଇବାକୁ ଯାଇ ନିଖୋଜ ଥିଲେ । ବାଲେଶ୍ୱର ଜିଲ୍ଲାର ବରଦା ପଞ୍ଚାୟତ ସାଳନ୍ଦୀ ନଦୀରେ ୨ କାଉଡ଼ିଆ ବୁଡିଯାଇଥିଲେ । ଖଇରା ବ୍ଳକ ବରଦା ନିକଟସ୍ଥ ଅଣିଜ ସିନ୍ଦୁକେଶ୍ୱର ମହାଦେବ ମନ୍ଦିରକୁ ଜଳ ଢାଳିବାକୁ ଯାଉଥିବା ବେଳେ ବରଦା ପୋଲ ତଳେ ସାଳନ୍ଦୀ ନଦୀରେ ଭାସିଯାଇଥିଲେ ଏହି ଦୁି କାଉଡ଼ିଆ ।ନିଖୋଜ ଥିବା ଏହି କାଉଡିଆ ଜୟୀପୁର ଗ୍ରାମର ବୋଲି ସୂଚନା ମିଳିଛି । ଗତକାଲି ଠାରୁ ଓଡ୍ରାଫ ଟିମ ଦମକଳ ବାହିନୀ ବହୁ ଖୋଜାଖୋଜି ପରେ କୌଣସି ସନ୍ଧାନ ମିଳି ନଥିଲା ।ତେବେ ଆଜି ସକାଳେ ଓଡ୍ରାଫ ଟିମ ନଦୀରୁ ମୃତ ଦେହ ଉଦ୍ଧାର କରିଛି । ମୃତ ଦେହ ଉଦ୍ଧାର ପରେ ଅଞ୍ଚଳରେ ଶୋକାକୁଳ ପରିବେଶ ସୃଷ୍ଟି ହୋଇଛି ।