ଜଳିଗଲା ଲକ୍ଷ ଲକ୍ଷ ଟଙ୍କାର ମେଡିସିନ
ଜଗତସିଂହପୁର (ବଡ଼ ଖବର ବ୍ୟୁରୋ): ଜଳିଗଲା ଲକ୍ଷ ଲକ୍ଷ ଟଙ୍କାର ମେଡିସିନ । ଏଭଳି ଘଟଣା ଦେଖିବାକୁ ମିଳିଛି ଜଗତସିଂହପୁର ପୌରାଞ୍ଚଳ ଅନ୍ତର୍ଗତ ଚାନ୍ଦୁରା ମସାଣିରେ । ଜଣେ ଅଜଣା ବ୍ୟକ୍ତି ଟ୍ରାକ୍ଟର ସାହାଯ୍ୟରେ ଆସି ମେଡିସିନକୁ ଫୋପାଡ଼ି ନିଆଁ ଲଗାଇ ଚମ୍ପଟ ମାରିଥିଲେ । ଗ୍ରାମବାସୀମାନେ ସନ୍ଦେହ କରି ସେହି ସ୍ଥାନକୁ ଯାଇ ଦେଖିଲେ ବିଭିନ୍ନ ପ୍ରକାରର ଔଷଧ, ସାଲାଇନ ଏବଂ ପ୍ରୋଟିନ ପାଉଡର ସବୁ ଜଳୁଛି ।
ଏତେ ମାତ୍ରାରେ ମେଡ଼ିସିନ ଜଳୁଥିବାର ଦେଖି ଥାନା ଏବଂ ସ୍ୱାସ୍ଥ୍ୟ ବିଭାଗ ପ୍ରଶାସନକୁ ଜଣାଇଥିଲେ । କିନ୍ତୁ ସେମାନଙ୍କର କାହାର ବି ଦେଖାନାହିଁ । ଏହି ଘଟଣା ବର୍ତ୍ତମାନ ଚର୍ଚ୍ଚାର ବିଷୟ ପାଲଟିଯାଇଛି । ସେଥିରେ କିଛି ଏକ୍ସପାଇଆର ମେଡ଼ିସିନ ଏବଂ କିଛି ଭଲ ମେଡ଼ିସିନ ଥିବାର ଦେଖିବାକୁ ମିଳିଥିଲା । ଏହି ସବୁକୁ ଜିଲ୍ଲା ଡ୍ରଗ ଇନସିପେକ୍ଟର ଦୃଷ୍ଟି ଦେବାକୁ ଦାବୀ କରିଛନ୍ତି ଗ୍ରାମବାସୀ ।