୧୨ ହଜାର ଟଙ୍କା ପାଇଁ ବନ୍ଧାହେଲେ ସରକାରୀ ବାବୁ

ରାଉରକେଲା(ବଡ଼ ଖବର ବ୍ୟୁରୋ): ୧୨ ହଜାର ଟଙ୍କାର ସରକାରୀ ଜିନିଷ ହଡପ କରି ଧରାପଡିଲେ ସରକାରୀ ବାବୁ । ସରକାରୀ ଜିନିଷ ହଡପ କରି ଘରକୁ ନେଉଥିବା ବେଳେ ଧରା ପଡି ବନ୍ଧା ହେଲେ ସରକାରୀ ବାବୁ । ସୁନ୍ଦରଗଡ ଲେପ୍ରିପଡ ବ୍ଲକର ଫଳ ଓ ଉଦ୍ୟାନ ବିଭାଗର ଓଭରସିଅର ଗୈାରାଙ୍ଗ ପ୍ରଧାନଙ୍କୁ ଗତକାଲି ରାତିଠାରୁ ସୁନ୍ଦରଗଡ ଥାନାରେ ଅଟକ ରଖାଯାଇଛି ।

ସୂଚନା ଅନୁସାରେ ଚାଷୀଙ୍କ ପାଇଁ ଆସୁଥିବା ତାର ବାଡ ହଡପ କରିବା ଘଟଣାରେ ପୋଲିସ ତାଙ୍କୁ ଗିରଫ କରିଛି । ସୁନ୍ଦରଗଡ ଲେପ୍ରିପଡ ବ୍ଲକର ଫଳ ଓ ଉଦ୍ୟାନ ବିଭାଗର ଓଭରସିଅର ଗୌରାଙ୍ଗ ପ୍ରଧାନ ଗତକାଲି ରାତିରେ ସଦର ଥାନା କରମଡିହିରୁ ତାରା ନାମକ ଘରୋଇ ବସରେ ଚାଷୀଙ୍କ ପାଇଁ ଆସିଥିବା ତାର ବାଡକୁ ଲୋଡ କରି ନିଜ ଗାଁ ନୂଆପଡାକୁ ନେଉଥିଲେ । ତେବେ ଖବର ପାଇଁ ସୁନ୍ଦରଗଡ ଟାଉନ ପୋଲିସ ଗୌରାଙ୍ଗକୁ ସୁନ୍ଦରଗଡ ସହରରେ ଧରିପକାଇଛନ୍ତି । ବସରୁ ୬ ବଣ୍ଡଲ ତାର ବାଡ ପୋଲିସ ଜବତ କରିବା ସହ ସରକାରୀ ବାବୁ ଗୋରାଙ୍ଗ ପ୍ରଧାନଙ୍କୁ ଥାନାରେ ଅଟକ ରଖି ଅଧିକ ତଦନ୍ତ କରୁଛି ।