ପୁଅଙ୍କ ଅସହ୍ୟ ଯନ୍ତ୍ରଣା ସହିନପାରି ଘରୁ ବାହାରି ଆସିଲେ ବୃଦ୍ଧ ବାପା

ଖୋର୍ଦ୍ଧା (ବଡ଼ ଖବର ବ୍ୟୁରୋ): ପୁଅଙ୍କ ଅସହ୍ୟ ଯନ୍ତ୍ରଣା ସହିନପାରି ଘରୁ ବାହାରି ଆସିଲେ ବୃଦ୍ଧ ବାପା । ଏଭଳି ଅଭାବନୀୟ ଦୃଶ୍ୟ ଦେଖିବାକୁ ମିଳିଛି, ଖୋର୍ଦ୍ଧା ଜିଲ୍ଲା ଟାଙ୍ଗୀ ବ୍ଳକ ଦେଉଳିପାଟଣା ଗାଁରେ । ଏହି ଗାଁର ଭଗବାନ ସାହୁ ବୟସ ୮୮ । ଭଗବାନଙ୍କର ପାଞ୍ଚଟି ପୁଅ କିନ୍ତୁ ବାପାଙ୍କୁ ଘରେ ରଖିବାକୁ ଘର ନାହିଁ, ପରିଣତ ବୟସରେ ଆଶ୍ରୟ ଓ ସାହରା ହେବା ବଦଳରେ ଦେଉଥିଲେ ଯନ୍ତ୍ରଣା, ଗାଳି ।

ଶୁକ୍ରବାର ସନ୍ଧ୍ୟାରେ ପୁରୀ ଚନ୍ଦନପୁର ବାଇପାସରେ ଭଗବାନ ସାହୁ ରାସ୍ତାରେ ଯାଉଥିବା ସମୟରେ ସତ୍ୟବାଦୀର ଏକ ସାମାଜିକ ଅନୁଷ୍ଠାନର କୁଶ ଚନ୍ଦ୍ର ବେହେରାଙ୍କ ତତ୍ୱାବଧାନରେ ତାଙ୍କୁ ଉଦ୍ଧାର କରିଛି । ପଚରାଉଚରାରୁ ଜଣାପଡିଛି ଯେ ସେ ପରିବାର ଲୋକଙ୍କଠୁ ନିର୍ଯ୍ୟାତନା ପାଇଁ ଘର ଛାଡି ପଳେଇ ଆସିଛନ୍ତି ।