ଅପରିବର୍ତ୍ତିତ ରହିଲା ରେପୋ ରେଟ୍

ନୂଆଦିଲ୍ଲୀ (ବଡ଼ ଖବର ବ୍ୟୁରୋ):  ଅପରବର୍ତ୍ତିତ ରହିଲା ରେପୋ ରେଟ୍ । ପ୍ରେସମିଟ କରି ସୂଚନା ଦେଲେ ଆରବିଆଇ ଗଭର୍ଣ୍ଣର ଶକ୍ତିକାନ୍ତ ଦାସ । ସୁଧ ହାର ୬.୫ ପ୍ରତିଶତ ରହିଛି । ରେପୋ ରେଟ ଅପରିବର୍ତିତ ରହିଥିବାରୁ ସାଧାରଣ ଲୋକଙ୍କ ଆସ୍ୱସ୍ତି ମିଳିଛି । ତେବେ ୨୦୨୪ ଆର୍ଥିକ ବର୍ଷରେ ମୁଦ୍ରାସ୍ଫୀତି ୪ ପ୍ରତିଶତ ଉପରେ ରହିବାର ସମ୍ଭବନା ରହିଛି । ତେଣୁ ଏହା ଉପରେ ନଜର ରଖାଯାଇଥିବା ଆରବିଆଇ ଗଭର୍ଣ୍ଣର କହିଛନ୍ତି ।

ଚଳିତ ଆର୍ଥିକ ବର୍ଷରେ ଜିଡିପି ଅଭିବୃଦ୍ଧି ୬ ଦଶମିକ ୫ ପ୍ରତିଶତ ରହିବ ବୋଲି ଆକଳନ କରାଯାଇଛି । ଚଳିତ ଆର୍ଥିକ ବର୍ଷରେ ପ୍ରଥମ କ୍ୱାଟର ତଥା ପ୍ରଥମ ତିନିମାସରେ ଜିଡିପି ୮ ପ୍ରତିଶତ, ଦ୍ୱତୀୟ କ୍ୱାଟରରେ ୬ ଦଶମିକ ୫ ପ୍ରତିଶତ, ତୃତୀୟ କ୍ୱାଟରରେ ୬ ପ୍ରତିଶତ ଏବଂ ଚତୁର୍ଥ କ୍ୱାଟରରେ ୫ ଦଶମିକ ୭ ପ୍ରତିଶତ ରହିବ ।