ମରାଠା ସଂରକ୍ଷଣ ଆଇନକୁ ବେଆଇନ ଘୋଷଣା କଲେ ସୁପ୍ରିମକୋର୍ଟ
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ମରାଠୀ ସମ୍ପ୍ରଦାୟର ଲୋକଙ୍କ ପାଇଁ ଥିବା ସଂରକ୍ଷଣ ବ୍ୟବସ୍ଥାକୁ ଅସିଦ୍ଧ ଘୋଷଣା କଲେ ସୁପ୍ରିମକୋର୍ଟ । ମରାଠୀ ସମ୍ପ୍ରଦାୟଙ୍କୁ ଶିକ୍ଷା ଓ ସାମାଜିକ କ୍ଷେତ୍ରରେ ପଛୁଆ ବର୍ଗ ବୋଲି ଘୋଷଣା କରିବାକୁ ମହାରାଷ୍ଟ୍ର ସରକାର ନେଇଥିବା ସମସ୍ତ ନିଷ୍ପତ୍ତିକୁ ସୁପ୍ରିମକେର୍ଟ ବେଆଇନ ଦର୍ଶାଇଛନ୍ତି । ତେବେ କୋଟାରେ ସ୍ନାତକୋତ୍ତର ପାଠ୍ୟକ୍ରମରେ ନାମ ଲେଖାଇଥିବା ଛତ୍ରଛାତ୍ର ଏହା ଦ୍ୱାରା ପ୍ରଭାବିତ ହେବେନି । କାରଣ ତାହା ସଂରକ୍ଷଣରେ ଦିଆଯାଇ ନାହିଁ । ସୁପ୍ରିମକୋର୍ଟ କହିଛନ୍ତି ଏହି ଆଇନ ୨୦୧୮ମସିହାର ସମାନତା ଆଇନକୁ ଉଲଂଘନ କରୁଛି ।
ତେବେ ସଂରକ୍ଷଣକୁ ୫୦%ରେ ସିମୀତ ରଖିଥିବା ୧୯୯୨ ଆଇନକୁ ଆମେ ପୁଣି ସମୀକ୍ଷା କରିବାକୁ ଚାହୁଁନାହୁଁ । ରାଜ୍ୟ ସରକାରୀ ଚାକିରି ଓ ଶିକ୍ଷାନୁଷ୍ଠାନରେ ନାମ ଲେଖାଇବା କ୍ଷେତ୍ରରେ ମରାଠୀ ମାନଙ୍କୁ ଦିଆଯାଇଥିବା ସଂରକ୍ଷଣକୁ ସମର୍ଥନ କରି ବମ୍ବେ ହାଇକୋର୍ଟ ଦେଇଥିବା ରାୟକୁ ଚ୍ୟାଲେଞ୍ଜ କରି ସୁପ୍ରିମକୋର୍ଟରେ ପିଟିସନ ଦାୟର ହୋଇଥିଲା । ଆଜି ପାଞ୍ଚ ଜଣିଆ ଖଣ୍ଡପୀଠ ଏହାର ଶୁଣାଣି କରିଛନ୍ତି ।