(ବଡ଼ ଖବର ବ୍ୟୁରୋ): ଆଫଗାନିସ୍ତାନର ଅନ୍ତରୀଣ ସରକାର ଗୁରୁବାର ୨୦୦ ବିଦେଶୀଙ୍କୁ ଦେଶ ଛାଡ଼ିବାକୁ ଅନୁମତି ଦେଇଛନ୍ତି । ସେମାନଙ୍କ ମଧ୍ୟରେ ଅନେକ ଆମେରୀକୀୟ ଅଛନ୍ତି । କାବୁଲ ଏୟାରପୋର୍ଟରୁ କତାରର ଏକ ବିମାନରେ ସେମାନେ ଆମେରିକା ଯାଇଛନ୍ତି । ଅଗଷ୍ଟ ୧୫ରେ ଇସଲାମୀୟ ବିଦ୍ରୋହୀ କାବୁଲ ଦଖଲ କରବାପରେ ଉକ୍ତ ବିମାନବନ୍ଦରରୁ ପ୍ରଥମ ଥର ପାଇଁ ଅନ୍ତର୍ଜାୟୀତ ବିମାନ ଚଳାଚଳ କରିଛି ।
ଏହା ପୂର୍ବରୁ ଆମେରିକା ନେତୃତ୍ୱାଧୀନ ସାମରିକ ମେଣ୍ଟ ୧,୨୪,୦୦୦ ବିଦେଶୀଙ୍କୁ ସୁରକ୍ଷିତ ଭାବେ ସ୍ଥାନାସ୍ତର କରିଥିଲା । ଆମେରିକାର ସ୍ୱତନ୍ତ୍ର ପ୍ରତିନିଧି ଜଲମେ ଖାଲିଦଜାଦଙ୍କୁ ଆଫଗାନିସ୍ତାନ ଛାଡ଼ିବା ପାଇଁ ତାଲିବାନର ଅନୁମତି ମିଳିଛି ବୋଲି ଆମେରିକା ପକ୍ଷରୁ କୁହାଯାଇଛି ।
