ରାହୁଲଙ୍କ ବୈଷ୍ଣୋ ଦେବୀ ଦର୍ଶନ; ସେପଟେ ରାସ୍ତାରେ ବିଜେପି ଛିଞ୍ଚିଲା ଗଙ୍ଗାପାଣି
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ବାରମ୍ପାର କେନ୍ଦ୍ରକୁ ଟାର୍ଗେଟ କରି ଚର୍ଚ୍ଚାରେ ରହୁଥିବା ରାହୁଲ ଗାନ୍ଧି ପୁଣିଥରେ ଚର୍ଚ୍ଚାକୁ ଆସିଛନ୍ତି । ଏଥର କୌଣସି ବୟାନ ଦେଇ ନୁହେଁ ବରଂ ମାତା ବୈଷ୍ଣୋ ଦେବୀଙ୍କ ଦର୍ଶନ କରି ଲାଇମଲାଇଟରେ ରହିଛନ୍ତି ରାହୁଲ ଗାନ୍ଧି । ତେବେ କଂଗ୍ରେସ ନେତା ରାହୁଲ ଗାନ୍ଧି ମାତା ବୈଷ୍ଣୋ ଦେବୀଙ୍କ ଦର୍ଶନ କରିବା ପରେ କଟଡାର ମୁଖ୍ୟସ୍ଥାନରେ ବିଜେପି ଗଙ୍ଗାଜଳ ଛିଞ୍ଚିଥିବାର କଥା ସାମ୍ନାକୁ ଆସିଛି । ଏ ଖବର ସାମ୍ନାକୁ ଆସିବା ପରେ ସାରା ଦେଶର ରାଜନୈତିକ ମାହୋଲ ବେଶ ସରଗରମ ହୋଇ ଉଠିଛି ।
ଅପରପକ୍ଷରେ କଂଗ୍ରେସ ଏହାକୁ ହଜମ ନ କରି ପାରି ବିଜେପିକୁ ଟାର୍ଗେଟ କରି ଗର୍ଜିଛି । ତେବେ କଂଗ୍ରେସ ଅଧ୍ୟକ୍ଷଙ୍କ ଦର୍ଶନ କରିବା ଦ୍ୱାରା ବିପେଜିର କଣ ଅସୁବିଧା ହେଉଛି ବୋଲି କିଛି ବରିଷ୍ଠ ନେତା ପ୍ରଶ୍ନ କରିଛନ୍ତି । ଏହା ସହ ବିଜେପିର ପୁରୁଣା ଅଭ୍ୟାସ ଧର୍ମକୁ ନେଇ ରାଜନୀତି କରିବା । ହେଲେ ପ୍ରତ୍ୟେକ ସ୍ଥାନରେ ଧର୍ମକୁ ନେଇ ରାଜନୀତି କରିବା ଠିକ ନୁହେଁ ବୋଲି କଂଗ୍ରେସର ବରିଷ୍ଠ ନେତାମାନେ ଗଣମାଧ୍ୟମ ନିକଟରେ ସ୍ପଷ୍ଟ କରିଛନ୍ତି ।
