ସିସିଟିଭିରେ ଦିଶିଲା ମଣିଷଖିଆ ବାଘର ଝଲକ

ନୂଆପଡ଼ା  (ବଡ଼ ଖବର ବ୍ୟୁରୋ):ସିସିଟିଭିରେ ଦିଶିଲା ମଣିଷଖିଆ ବାଘର ଝଲକ । ସୁନାବେଡା ଜଳମଡେଇ ଅଞ୍ଚଳରେ ବନ ବିଭାଗ ତରଫରୁ ଲଗା ଯାଇଥିବା ଟ୍ରାପ କ୍ୟାମେରାରେ ବାଘର ଫୁଟେଜ ସାମ୍ନାକୁ ଆସିଛି। ଗୋଟିଏ ମଣିଷ ଓ ତିନୋଟି ଗୃହ ପାଳିତ ପଶୁଙ୍କୁ ମାରି ଦେଇଥିବା କଲରାପତରିଆର ଚେହେରା କଏଦ ହୋଇଛି। ବାଘ ବି ଚତୁରତାର ସହ ଜାଗା ପରିବର୍ତ୍ତନ କରୁଥିବା ଜଣା ପଡୁଛି।

୨୯ ତାରିଖ ଭୋର ସମୟରେ ଟ୍ରାପ କ୍ୟାମେରାର ସମାନକୁ ଆସିଥିଲା ବାଘ। ଅଭୟ ଅରଣ୍ୟରେ ବେଧଡ଼କ ବୁଲୁଥିବା ବାଘ । ଏବେ ଗାଁ ମୁହାଁ ହୋଇ ଜୀବନ ନେଉଛି। ବନବିଭାଗ ତାର ଗତିବିଧିକୁ ନିରୀକ୍ଷଣ କରୁଛି। ତେବେ ବଡ଼ କଥା ହେଲା ସିସି ଟିଭିର ଫୁଟେଜରୁ ସ୍ପଷ୍ଟ ହେଉଛି ଏହା ମହାବଳ ବାଘ ନୁହେଁ ବରଂ କଲରାପତରିଆ ବାଘ ।