ବିଜେଡିକୁ ନେଇ ପ୍ରଦୀପ ପୁରୋହିତଙ୍କ ବିସ୍ଫୋରକ ବୟାନ

ଭୁବନେଶ୍ୱର (ବଡ଼ ଖବର ବ୍ୟୁରୋ): ପ୍ରଦୀପ ପୁରୋହିତଙ୍କ ବିସ୍ଫୋରକ ବୟାନ । ବିଜେଡି ଆଉ ବିଜେଡି ହାତରେ ନାହିଁ ୫ଟି ସଚିବଙ୍କ ହାତକୁ ଚାଲିଗଲାଣି । ପୂର୍ବରୁ ମୁଖ୍ୟମନ୍ତ୍ରୀଙ୍କ ପଛରେ ଠିଆ ହେଉଥିଲେ ଏବେ ଆଗରେ ଠିଆ ହେଉଛନ୍ତି। ଛଅ ମାସ ହେଲା ପ୍ଲଟ ତିଆରି ହେବା ପରେ ସେ ସାମ୍ନାରେ ରହୁଛନ୍ତି। ଫଳରେ ବିଜେଡିର ବଡ଼ ବଡ଼ ନେତା ଅସନ୍ତୁଷ୍ଟ ଅଛନ୍ତି । ୫ଟି ସଚିବଙ୍କ ଗସ୍ତକୁ ନେଇ ଅସନ୍ତୋଷ ଥିବା ପ୍ରାଇଭେଟଲି ପ୍ରକାଶ କରିଛନ୍ତି। କିନ୍ତୁ ବାହାରେ ପ୍ରକାଶ କରିପାରୁନାହାନ୍ତି। କାରଣ ୧୪୭ ବିଧାନସଭା ଓ ୨୧ ଲୋକସଭା ଆସନର ବିଜେଡିର ସାଧା ଟିକେଟ ସଚିବଙ୍କ ହାତରେ ଅଛି। ଯେଉଁଥିରେ ମୁଖ୍ୟମନ୍ତ୍ରୀଙ୍କ ଦସ୍ତଖତ କରି ସାରିଛନ୍ତି। ସେଥିପାଇଁ ସମସ୍ତେ ଚୁପ୍। ଆଜିର ସ୍ଥିତି ଯଦି ଚିତ୍ର ଠିକ୍ ରୁହେ ତେବେ ବିଜୁ ଜନତା ଦଳ ଜିତେ ।

ମୁଖ୍ୟମନ୍ତ୍ରୀଙ୍କ ଆସନରେ ଅନ୍ୟ ଜଣେ କିଏ ବସିଥିବେ। ମୁଖ୍ୟମନ୍ତ୍ରୀ ପ୍ରେସରରେ ଅଛନ୍ତି ସେ କିଛି ଜାଣନ୍ତିନି।୫ ଟି ସଚିବଙ୍କୁ ନ ଧରିଲେ ମୁଖ୍ୟମନ୍ତ୍ରୀଙ୍କ ପାଦ ଆଗକୁ ବଢ଼ିପାରୁନି। ୫ଟି ଯାହା ଚାହୁଛନ୍ତି ତାହା କରୁଛନ୍ତି।ନବୀନ ପଟ୍ଟନାୟକଙ୍କୁ ଭୋଟ ଦେଉଛନ୍ତି ମୁଖ୍ୟମନ୍ତ୍ରୀ କରିଛନ୍ତି । ୫ଟି ସଚିବ କିଏ ? ଲୋକେ ପ୍ରଶ୍ନ କରୁଛନ୍ତି । ତାଙ୍କୁ ଲୋକେ ଭୋଟ ଦେଇନାହାନ୍ତି।କିନ୍ତୁ ଶାସନର ମୁଖ୍ୟ ଭାବରେ ବଡ଼ ଚେହେରା ତାଙ୍କର ଆସୁଛି। ସେଥି ପାଇଁ ବିଜେପି ବିରୋଧ କରୁଛି। ମୁଖ୍ୟମନ୍ତ୍ରୀ ଓ ମନ୍ତ୍ରୀମାନେ ବୁଲୁଛନ୍ତି ଆମେ ତାଙ୍କୁ ବିରୋଧ କରି ନାହୁଁ। ସଚିବ କାହିଁକି ପ୍ରକଳ୍ପ ଘୋଷଣା କରିବେ। ତାକୁ ଆମେ ବିରୋଧ କରୁଛୁ କରିବୁ।