ମୁମ୍ବାଇ(ବଡ଼ ଖବର ବ୍ୟୁରୋ) ମୁମ୍ବାଇ ଡ୍ରଗ୍ସ କେସ ମାମଲାରେ ଆର୍ୟନଙ୍କୁ ମିଳିଲାନି ଆଶ୍ୱସ୍ତି । ତାରିଖ ଉପରେ ତାରିଖ ଗଡି ଯାଉଛି ହେଲେ ଆର୍ୟନଙ୍କୁ ବେଲ ମିଳୁନି । ଆଜି ବେଲ ମିଳିବାର ଶୁଣାଣି ଥିଲା ହେଲେ ପୁଣିଥରେ କାଲିକୁ ଘୁଞ୍ଚିଲା ଆର୍ୟନଙ୍କ ବେଲ । ତେବେ ଆର୍ୟନଙ୍କୁ ଆହୁରି ଗୋଟେ ଦିନ ଏବେ ଜେଲରେ ରହିବାକୁ ପଡିବ ।
ଆର୍ୟନ, ମୁନମୁନ ଧମେଚା ଏବଂ ଅରବାଜ ମର୍ଚାଣ୍ଟଙ୍କ ଜାମିନ ପାଇଁ ତାଙ୍କ ଓକିଲଙ୍କ ତରଫରୁ କୋର୍ଟରେ ଯୁକ୍ତି ସରିଛି । ତେବେ ଗୁରୁବାର ହିଁ ଆର୍ୟନଙ୍କୁ ବେଲ ମିଳିପାରେ ବୋଲି ଆଶା କରାଯାଉଛି । ବମ୍ବେ ହାଇକୋର୍ଟରେ ଆର୍ୟନଙ୍କ ଜାମିନ ଆବେଦନ ମାମଲାର ଶୁଣାଣି ହୋଇଥିଲା । ପୂର୍ବତନ ଆଟର୍ଣ୍ଣି ଜେନେରାଲ ମୁକୁଲ ରୋହତଗି ଆର୍ୟନଙ୍କ ଜାମିନ ଦେବା ପାଇଁ ଅନେକ ପ୍ରଚେଷ୍ଟା ଚଳାଇଥିଲେ । କିନ୍ତୁ ଆଜି ଆର୍ୟନଙ୍କୁ ବେଲ ମିଳିଲାନି । ସୂଚନା ଥାଉକି ମୁମ୍ବାଇ ଡ୍ରଗ୍ସ ରେଭ ପାର୍ଟି ମାମଲାରେ ଧରା ପଡିବା ପରେ ଅକ୍ଟୋବର ୨ରେ ଗିରଫ ହୋଇ ମୁମ୍ବାଇରେ ଆର୍ଥର ରୋଡ ଜେଲରେ ଆର୍ୟନ ଅଛନ୍ତି ।
