କେନ୍ଦ୍ରାପଡ଼ାରେ କାଠ ମାଫିଆଙ୍କ ରାଜ୍

କେନ୍ଦ୍ରାପଡ଼ା(ବଡ଼ ଖବର ବ୍ୟୁରୋ): ଜଙ୍ଗଲ କ୍ଷୟ ଯୋଗଁ ଜଳବାୟୁରେ ଘଟୁଛି ଘୋର ପରିବର୍ତ୍ତନ । ଏ ନେଇ ବିଶ୍ୱ ସମୁଦାୟ ଚିନ୍ତା ପ୍ରକଟ କରୁଥିବା ବେଳେ କେନ୍ଦ୍ରାପଡ଼ା ବନ ବିଭାଗର ଏଥିପ୍ରତି ନିଘା ନାହିଁ । କେନ୍ଦ୍ରାପଡ଼ା ଜିଲ୍ଲା କନିକା ବନଖଣ୍ଡର ବରାଡିଆ ପଞ୍ଚାୟତ କାର୍ଯ୍ୟାଳୟ ପଛରେ ଓ ମଲି ସାହାଡ଼ା ସ୍କୁଲ ପଡିଆ ନିକଟରେ ପଡିଛି ଶତାଧିକ କଟାହୋଇଥିବା ମୂଲ୍ୟବାନ ଗଛ । ଯାହାକୁ ନେଇ ଚିନ୍ତାରେ ପରିବେଶବିତ । ଗଛକଟକୁ ନେଇ କିଛି ଲୋକ କନିକା ତହସିଲଦାରଙ୍କୁ ଲିଖିତ ଅଭିଯୋଗ କରିବା ପରେ ମଧ୍ୟ କାର୍ଯ୍ୟାନୁଷ୍ଠାନ ଶୂନ କାଠ ମାଫଆମାନେ ଖୁଲମଖୋଲା ବୁଲୁଛନ୍ତି । ଫଳରେ ସାଧାରଣରେ ଅସନ୍ତୋଷ ଲାଗିରହିଛି । କେବଳ କନିକା କିମ୍ବା ରାଜକନିକା ନୁହେଁ କେନ୍ଦ୍ରାପଡ଼ା ଜିଲ୍ଲାର ରାଜନଗର, ମହାକାଳପଡ଼ା, ଖରୀନାସି, ଯମ୍ବୁ ଆଦି ଅଞ୍ଚଳରେ କାଠ ମାଫିଆ ସକ୍ରିୟ ଥିବା ବେଳେ କାର୍ଯ୍ୟାନୁଷ୍ଠାନ ଶୂନ ।