ପାଞ୍ଚ ଲକ୍ଷ ଟଙ୍କାର ଗଞ୍ଜେଇ ସହ ଦୁଇ ମାଫିଆ ଅଟକ

ଭୁବନେଶ୍ୱର(ବଡ଼ ଖବର ବ୍ୟୁରୋ): ଲମତାପୁଟ ପୋଲିସକୁ ଆଉ ଏକ ସଫଳତା । ଗଞ୍ଜେଇ ସହ ଦୁଇ ଗଞ୍ଜେଇ ମାଫିଆ କାବୁ କରିଛି ପୋଲିସ । ଅନକାଡେଲିରୁ ଉତ୍ତର ପ୍ରଦେଶ ଗଞେଇ ଚୋରାଚାଲାଣ ବେଳେ ମାଡ଼ିବସିଲା ପୋଲିସ । ବିଶେଷସୂତ୍ରରୁ ଖବର ପାଇ କୋରାପୁଟ ଏସପିଙ୍କ ନିର୍ଦେଶକ୍ରମେ ଏସ. ଡ଼ି. ପିଓଙ୍କ ନେତୃତ୍ଵରେ ମାଛକୁଣ୍ଡ ଲମତାପୁଟ ପୋଲିସ କଡ୍ରି ଗ୍ରାମ ନିକଟ ଶିବମନ୍ଦିର ନିକଟରେ ଜଗି ରହିଥିଲା ।

ଦୃତ ଗତିରେ ଆସୁଥିବା ଏକ କାରକୁ ଅଟକାଇ ଯାଞ୍ଚ କରିବାରୁ କାର୍ ମଧ୍ୟରୁ ୨ଟି ବସ୍ତାରୁ ପ୍ରାୟ ୫୦ କେଜି ଗଞ୍ଜେଇ ଜବତ କରିଥିଲା ପୋଲିସ । କାରରେ ଥିବା ଦୁଇ ଗଞ୍ଜେଇ ମାଫିଆଙ୍କୁ ମଧ୍ୟ କାବୁ କରିବାରେ ସଫଳ ହୋଇଥିଲା ପୋଲିସ ।ଏହି ଗଞ୍ଜେଇର ମୂଲ୍ୟ ପ୍ରାୟ ୫ ଲକ୍ଷ ଟଙ୍କା ହେବ ବୋଲି ପୋଲିସ କହଛି। ଗିରଫ ବ୍ୟକ୍ତିମାନେ ସ୍ଥାନୀୟ ଅଞ୍ଚଳ ଅନକାଡେଲି କଦମଗୁଡାର ସୁକଦେବ ସୀସା ଏବଂ ଉତ୍ତର ପ୍ରଦେଶର ଅଞ୍ଚଳର ସନ୍ତୋଷ ୟାଦେବ ବୋଲି ଜଣା ପଡିଛି ।ଏହି ଗଞ୍ଜେଇ ଚାଲାଣ ରେ ଆଉ କିଏ କିଏ ସଂପୃକ୍ତ ଅଛନ୍ତି ଏହା ନେଇ ଅଧିକ ତଦନ୍ତ ଜାରି ରଖିଛି ପୋଲିସ୍।