ପାରାଦ୍ୱୀପରେ ପ୍ରଚାର ମଇଦାନ କୁ ଓହ୍ଲାଇଲେ କଂଗ୍ରେସ ପ୍ରାର୍ଥୀ

ପାରାଦ୍ଵୀପ(ବଡ଼ ଖବର ବ୍ୟୁରୋ): ପାରାଦ୍ଵୀପ ନିର୍ବାଚନ ମଣ୍ଡଳୀରେ କଂଗ୍ରେସ ପ୍ରାର୍ଥୀ ଭାବରେ ନିରଞ୍ଜନ ନାୟକ ମଇଦାନ କୁ ଓହ୍ଲାଇଛନ୍ତି । ପ୍ରାର୍ଥୀ ଘୋଷଣା ପରେ ନିରଞ୍ଜନ ନାୟକ ଙ୍କ ପ୍ରତିକ୍ରିୟା ସାମ୍ମାକୁ ଆସିଛି । ସେ କହିଛନ୍ତି କି, ପାରାଦ୍ଵୀପ ନିର୍ବାଚନ ମଣ୍ଡଳୀର ଜନସାଧାରଣ ମୋତେ ଭଲପାଇବା ଦେଇଛନ୍ତି ଏବଂ ମୋ ଉପରେ କଂଗ୍ରେସ ର ନେତୃମଣ୍ଡଳୀ ଭରଷା କରି ଟିକେଟ ଦେଇଛନ୍ତି । ସେମାନଙ୍କ ସେଇ ଭରଷା କୁ ମୁଁ ରଖିବି । ମୋର ପ୍ରମୁଖ ମୁଦ୍ଦା ହେଉଛି ନିଯୁକ୍ତି, ଶିଳ୍ପ ସହରରେ ସ୍ଥାନୀୟ ଯୁବକ ମାନଙ୍କୁ ନିଯୁକ୍ତିରେ ଅବହେଳା କରାଯାଇଛି ।

ଏହାଛଡା ସ୍ବାସ୍ଥ୍ୟ କ୍ଷେତ୍ରରେ ପାରାଦ୍ଵୀପ କୁ ଅଣଦେଖା କରାଯାଇଛି ଏବଂ ଭୂତଳ ଜଳର ଅଭାବ କୁ ନେଇ ସାଧାରଣ ଲୋକଙ୍କ ନିକଟକୁ ଯିବି ବୋଲି ପ୍ରକାଶ କରିଛନ୍ତି କଂଗ୍ରେସ ବିଧାୟକ ପ୍ରାର୍ଥୀ ନିରଞ୍ଜନ ନାୟକ ।