ଭୋଟର ଲିଷ୍ଟରେ ୯୦: ଭୋଟ ପଡିଲା ୧୭୧

ଆସାମ (ବଡ଼ ଖବର ବ୍ୟୁରୋ): ଭୋଟର ଲିଷ୍ଟରେ ପଞ୍ଜିକୃତ ଭୋଟରଙ୍କ ସଂଖ୍ୟା ୯୦, କିନ୍ତୁ ଇଭିଏମରେ ଭୋଟ ପଡିଛି ୧୭୧ । କଥାଟି ଆଶ୍ଚର୍ଯ୍ୟ ଲାଗୁଥିବ, ମାତ୍ର ସତ । ଏଭଳି ଏକ ଅଶ୍ଚର୍ଯ୍ୟଜନକ ଦୃଶ୍ୟ ଦେଖିବାକୁ ମିଳିଛି ଆସାମ ଦୀମା ହସାଓ ଜିଲ୍ଲାର ଏକ ମତଦାନ କେନ୍ଦ୍ରରେ । ଏହି ମତଦାନ କେନ୍ଦ୍ରରେ ବଡ଼ ଅନିୟମିତତା ଦେଖିବାକୁ ମିଳିଛି । ଯେଉଁଠାରେ ପଞ୍ଜିକୃତ ଭୋଟରଙ୍କ ସଂଖ୍ୟା ୯୦ । ମାତ୍ର ଏଠାରେ ଭୋଟ୍ ପଡ଼ିଛି ୧୭୧ ।

ସୋମବାର ଜଣେ ଅଧିକାରୀଙ୍କ କହିବା ଅନୁଯାୟୀ, ଆସାମର ହାଫଲଙ୍ଗ ନିର୍ବାଚନମଣ୍ଡଳୀରେ ଏହି ମତଦାନ କେନ୍ଦ୍ର ଯାଉଛି । ଏଠାରେ ଦ୍ୱିତୀୟ ପର୍ଯ୍ୟାୟରେ ଏପ୍ରିଲ ୧ରେ ନିର୍ବାଚନ ହୋଇଥିଲା । ମିଳିଥିବା ସୂଚନା ଅନୁଯାୟୀ, ମତଦାତା ସୂଚୀରେ ୯୦ ଜଣଙ୍କ ନାମ ଥିଲା, କିନ୍ତୁ ଇଭିଏମରେ ପଡ଼ିଛି ୧୭୧ଖଣ୍ଡ ଭୋଟ୍ । ଗାଁର ପ୍ରଧାନ ଏହି ଭୋଟର ଲିଷ୍ଟକୁ ସ୍ୱୀକାର କରିନଥିଲେ। ଫଳରେ ନିଜେ ଅନ୍ୟ ଏକ ସୂଚୀ ନେଇ ସେଠାରେ ପହଂଚିଥିଲେ । ପରେ ଗାଁର ଲୋକମାନେ ସେହି ସୂଚୀ ଅନୁଯାୟୀ ଭୋଟ୍ ଦେଇଥିଲେ । ଏହି ଘଟଣାରେ ୫ଜଣ ଅଫିସରଙ୍କୁ ସସପେଣ୍ଡ କରଯାଇଛି ।