ଟ୍ରେନ ଧକ୍କାରେ ହାତୀ ମୃତ

ସମ୍ବଲପୁର(ବଡ଼ ଖବର ବ୍ୟୁରୋ): ଟ୍ରେନ ଧକ୍କାରେ ହାତୀର ମୃତ୍ୟୁ । ସମ୍ବଲପୁର ଜିଲ୍ଲା ଯୁଯୁମୁରା ଓ ହାତୀବାରୀ ଷ୍ଟେସନ ମଧ୍ୟରେ ଘଟିଛି ଘଟଣା । ଗତକାଲି ସଂଧ୍ୟା ପ୍ରାୟ ୭.୩୦ ମିନିଟରେ ଦନ୍ତା ହାତୀର ମୄତ୍ୟୁ ହୋଇଛି । ଘଟଣା ସ୍ଥଳରେ ବନବିଭାଗର କର୍ମଚାରୀ ପହଞ୍ଚି କେଉଁ ପରିସ୍ଥିତିରେ ଦୁର୍ଘଟଣା ଘଟିଲା ସେନେଇ ତଦନ୍ତ ଜାରି ରହିଛି । ରେଲବାଇ ତରଫରୁ ମଧ୍ୟ ଘଟଣାର ତର୍ଜମା ଆରମ୍ଭ ହୋଇଛି । ବିଗତ ପାଞ୍ଚ ଦିନ ତଳେ ସମ୍ବଲପୁର ସଦର ରେଞ୍ଜ ଅଞ୍ଚଳରେ ବିଦ୍ୟୁତ ଆଘାତରେ ହାତୀର ମୃତ୍ୟୁ ହୋଇଥିଲା । ଆଜି ପୁଣି ଏକ ହାତୀର ଟ୍ରେନ ଧକ୍କାରେ ମୃତ୍ୟୁ ହୋଇଥିବା ସୂଚନା ମିଳିଛି । ବନବିଭାଗର ପରିଚାଳନା ଉପରେ ସାଧାରଣରେ ପ୍ରଶ୍ନବାଚି ସୃଷ୍ଟି ହୋଇଛି । ଭୁବନେଶ୍ୱର -ରାଉରକେଲା ଇଣ୍ଟରସିଟି ଟ୍ରେନଟି ଭୁବନେଶ୍ୱରରୁ ଫେରୁଥିବା ବେଳେ ଗଡଗଡବାହାଳ ଅଞ୍ଚଳରେ ଏହି ଦୁର୍ଘଟଣା ଘଟିଛି ।