ବାଲେଶ୍ୱର(ବଡ଼ ଖବର ବ୍ୟୁରୋ): ସାରା ରାଜ୍ୟରେ ଏଟିଏମ୍ ଲୁଟେରା ମାତିଥିବା ବେଳେ ବାଲେଶ୍ୱର ଜିଲ୍ଲା ବାହାନଗା ବ୍ଲକ ଗୋପାଳପୁର ଡାକ୍ତରଖାନା ନିକଟରେ ଥିବା ଷ୍ଟେଟ ବ୍ୟାଙ୍କ ଏଟିଏମ୍ ରୁ ହୋଇଛି ଲୁଟ । ଲୁଟେରା ଏଟିଏମ୍ ତାଡି ଲୁଟ କରିଛନ୍ତି । ସୋମବାର ବିଳମ୍ବିତ ରାତିରେ ଲୁଟେରାମାନେ ଗୋପାଳପୁର ଡାକ୍ତରଖାନା ନିକଟରେ ଥିବା ଏଟିଏମରୁ ଇଲେକ୍ଟ୍ରି ତାର ଓ ସିସିଟିଭି କ୍ୟାମେରା କନେକ୍ସନ କାଟିବା ସହ ସିସିଟିଭି କ୍ୟାମେରାକୁ ମୋଡିଦେଇ ଲୁଟ କରିଥିବା ଜଣାପଡିଛି ।
ଆଜି ସକାଳୁ ସ୍ଥାନୀୟ ଲୋକେ ଏଟିଏମ୍ ଭିତରେ ଭଙ୍ଗାରୁଜା ହୋଇଥିବା ଦେଖି ଗୋପାଳପୁର ଫାଣ୍ଡିରେ ଖବର ଦେଇଥିଲେ । ଖବର ଲେଖା ହେବା ବେଳକୁ ପୋଲିସ କି ବ୍ୟାଙ୍କ କର୍ତ୍ତୁପକ୍ଷ ଘଟଣାସ୍ଥଳରେ ପହଞ୍ଚି ନଥିଲେ । ତେବେ ଏପରି ବାରମ୍ବାର ସୋର ଓ ବାହାନଗା ଅଞ୍ଚଳରେ ଏଟିଏମ୍ ଲୁଟ ପୋଲିସ ପାଇଁ ଏକ ବଡ ଚ୍ୟାଲେଞ୍ଜ ସୃଷ୍ଟି କରିଛି ।
