ହେମଦସ୍ତା ମାଡ଼ରେ ଆଈର ମୃତ୍ୟୁ

ଭଣ୍ଡାରୀ ପୋଖରୀ(ବଡ଼ ଖବର ବ୍ୟୁରୋ): ହେମଦସ୍ତା ମାଡ଼ରେ ଆଈର ମୃତ୍ୟୁ ।ଏଭଳି ଘଟଣା ଘଟିଛି ଭଦ୍ରକ ଜିଲ୍ଲା ଭଣ୍ଡାରୀ ପୋଖରୀ ଥାନା ନପଙ୍କ ଦାସସାହିରେ । ମୃତକ ହେଲେ ଶଶି ଦାସ । ଅଭିଯୋଗ ପରେ ପୋଲିସ ଓ ସାଇଣ୍ଟିଫିକ ଟିମ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ଶୁକ୍ରବାର ବିଳମ୍ବିତ ରାତିରେ ନାତୁଣୀ-ଆଈ ଭିତରେ ପାଟିତୁଣ୍ଡ ହୋଇଥିଲା । ଆଈ ଶୋଇଥିବା ବେଳେ ନାତୁଣୀ ଉତ୍ତ୍ୟକ୍ତ ହୋଇ ହେମଦସ୍ତା ବାଡ଼ିରେ ତାଙ୍କ ମୁଣ୍ଡକୁ ଶକ୍ତ ପ୍ରହାର କରିଥିଲା । ପ୍ରବଳ ରକ୍ତସ୍ରାବ ହୋଇ ଘଟଣାସ୍ଥଳରେ ଆଈର ମୃତ୍ୟୁ ହୋଇଥିଲା । ଗାଁ ଲୋକଙ୍କ ଠାରୁ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଶବ ଜବତ କରି ଅଭିଯୁକ୍ତ ନାତୁଣୀକୁ ଗିରଫ କରିଛି ।