ବ୍ରହ୍ମପୁର (ବଡ଼ ଖବର ବ୍ୟୁରୋ): ଦିନିକିଆ ଗଞ୍ଜାମ ଜିଲ୍ଲା ଗସ୍ତରେ ଆସି ଡିଜିପି ଉଭୟ ବ୍ରହ୍ମପୁର ଏବଂ ଗଞ୍ଜାମ ପୋଲିସ ଜିଲ୍ଲାର ଆଇନଶୃଙ୍ଖଳାର ସମୀକ୍ଷା କରିଛନ୍ତି । ପିଲା ଚୋରି ରୋକିବା, ନିଖୋଜ ହୋଇଥିବା ପିଲାଙ୍କୁ କେମିତି ଠାଵ କରାଯିବ ସେ ନେଇ ଆଲୋଚନା ସମୟରେ ଅଧିକ ଗୁରୁତ୍ୱ ଦେଇଛନ୍ତି ଅଭୟ। ମେଧାବୀ ଛାତ୍ରଙ୍କ ଅଚାନକ ନିଖୋଜ ପରେ ପିଲାଙ୍କ ଉଦ୍ଧାର ଦିଗରେ କଣ ପଦକ୍ଷେପ ନିଆଯାଇଛି ସେ ନେଇ ଆଲୋଚନା କରିଥିଲେ । ଏଥି ସହ ସାଇବର କ୍ରାଇମକୁ କମାଇବା ଦିଗରେ ଆଲୋଚନା କରିଥିଲେ। ଅଭୟଙ୍କ ସହ ଦକ୍ଷିଣାଞ୍ଚଳ ଡିଆଇଜି ସତ୍ୟବ୍ରତ ଭୋଇ, ବ୍ରହ୍ମପୁର ଏସ୍ପି ପିନାକ ମିଶ୍ର ଏବଂ ଗଞ୍ଜାମ ଏସ୍ପି ବ୍ରିଜେଶ ରଏ ଉପସ୍ଥିତ ରହିଥିଲେ।
