କୃଷକଙ୍କ ଟ୍ରାକ୍ଟର ରାଲିକୁ ମିଳିଲା ଗ୍ରୀନ ସିଗନାଲ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): କୃଷକଙ୍କ ଟ୍ରାକ୍ଟର ରାଲିକୁ ମିଳିଲା ଗ୍ରୀନ ସିଗନାଲ । ସର୍ତ୍ତମୂଳକ ଅନୁମତି ପ୍ରଦାନ କରିଛନ୍ତି ଦିଲ୍ଲୀ ପୋଲିସ । ସାଧାରଣତନ୍ତ୍ର ଦିବସରେ ଟ୍ରାକ୍ଟର ରାଲି କରିବେ କୃଷକ ସଂଗଠନ । ଏନେଇ ଦିଲ୍ଲୀ ପୋଲିସ ପକ୍ଷରୁ ମିଳିଛି ଗ୍ରୀନ ସିଗନାଲ । ଦିଲ୍ଲୀର ୫ଟି ରାସ୍ତା ଦେଇ ୧୦୦କିଲୋମିଟର ପର୍ଯ୍ୟନ୍ତ ଟ୍ରାକ୍ଟର ରାଲି କରିବା ପାଇଁ ଅନୁମତି ମିଳିଛି । ସିନ୍ଧୁ, ଗାଜିପୁର, ତିଖରି, ପଲୱାଲ, ଶାହାଜାହାନପୁରରୁ ଟ୍ରାକ୍ଟର ରାଲି ବାହାରିବ ।

ରାଲି ସରିବା ପରେ ନିଜ ସ୍ଥାନକୁ ଫେରିଯିବାକୁ ପୋଲିସ ପକ୍ଷରୁ ନିର୍ଦ୍ଦେଶ ଦିଆଯାଇଛି । କେଉଁ ରୁଟ ଦେଇ ରାଲି ଯିବ ସେ ନେଇ ଆଜି ଲିଖିତ ଆକାରରେ ଜଣାଇବେ କୃଷକ ସଂଗଠନ । ରୁଟ ଚାଟ ଦେବା ପରେ ପୋଲିସ ତର୍ଜମା କରିବ ବୋଲି ବରିଷ୍ଠ ଅଧିକାରୀ କହିଛନ୍ତି । ରାଲିକୁ ସମ୍ପୂର୍ଣ୍ଣ ଶାନ୍ତି ପୂର୍ଣ୍ଣ ଭାବେ କରିବା ସହ କୌଣସି ସରକାରୀ କାର୍ଯ୍ୟ ବାଧା ପ୍ରାପ୍ତ ହେବ ନାହିଁ ବୋଲି କୃଷକ ସଂଗଠନ ପ୍ରତିଶୃତି ଦେଇଛନ୍ତି ।