ଭୁବନେଶ୍ୱର(ବଡ଼ ଖବର ବ୍ୟୁରୋ): ଧାନ ପ୍ରସଙ୍ଗ ନେଇ କଂଗ୍ରେସ ନେତା ତାରା ପ୍ରସାଦ ବାହିନୀପତି ପ୍ରତିକ୍ରିୟା ରଖିଛନ୍ତି । ବିଜେପି ଓ ବିଜେଡି ନେତା ମିଳିତ ଭାବରେ ପ୍ରୟାସ କରୁଛନ୍ତି ବିଧାନସଭା ତାରା ପ୍ରସାଦ ବାହିନୀପତି । ବିଜେପି ଓ ବିଜେଡି ମିଳିତ ଭାବରେ ପ୍ରୟାସ କରୁଛନ୍ତି ବିଧାନସଭା ନଚାଲୁ,ଚାଷୀଙ୍କ ଧାନ ନଉଠୁ । କେବଳ ଡ୍ରାମା କରୁଛନ୍ତି ବୋଲି କହିଛନ୍ତି ତାରା । ବିଧାୟକ ଆତ୍ମହତ୍ୟା ଉଦ୍ୟମ କରୁଛନ୍ତି ,ଚାଷୀ ଆତ୍ମହତ୍ୟା କଲେଣି ନବୀନ ବାବୁ ହସୁଛନ୍ତି । ଲୋକଙ୍କ ସହ ସରକାର ବେଇମାନ କରିଛନ୍ତି । ଯେପର୍ୟ୍ୟନ୍ତ ଚାଷୀ ଙ୍କ ଧାନ ଉଠିନି ସେପର୍ୟ୍ୟନ୍ତ ଆନ୍ଦୋଳନ କରିବ କଂଗ୍ରେସ ।
ବିଧାନସଭା ଆରମ୍ଭରୁ ଆଜି ଗୃହରେ ଅଚଳାବସ୍ଥା ଜାରି ରହିଥିବା ବେଳେ ଉଭୟ ବିଜେଡି ଓ ବିଜେପି ଉପରେ ବର୍ଷିଛନ୍ତି ତାରା । ଗରିବ ଲୋକଙ୍କ ଟିକସରେ କୋଟି କୋଟି ଟଙ୍କା ଖର୍ଚ୍ଚ ହୋଇ ଅଧିବେଶନ ହେଉଥିଲେ ମଧ୍ୟ ଗୃହ ଚାଲୁନାହିଁ । ଜାଣିଶୁଣି ଉଭୟ ବିଜେପି-ବିଜେଡି ଗୃହ ଚଲାଇ ଦେଉନାହାନ୍ତି । ତେଣୁ ବାଚସ୍ପତି ତୁରନ୍ତ ସର୍ବଦଳୀୟ ବୈଠକ ଡାକି ଏ ବାବଦରେ ଆଲୋଚନା ସହ ଗୃହ କାର୍ଯ୍ୟକୁ ସ୍ୱାଭାବିକ କରିବାକୁ ପଦକ୍ଷେପ ନିଅନ୍ତୁ ବୋଲି କହିଛନ୍ତି ତାରା । ମଣ୍ଡିରୁ ଧାନ ଉଠିବା ନେଇ ମନ୍ତ୍ରୀ ଯେଉଁ ପ୍ରତିଶ୍ରୁତି ଦେଇଥିଲେ ତାହାକୁ କାର୍ଯ୍ୟକାରୀ କରୁନାହାନ୍ତି । ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କ ଦାୟିତ୍ୱ ଚାଷୀଙ୍କ ଧାନ ଉଠାଇବା, କିନ୍ତୁ ଏଭଳି ନକରି କେବଳ ପରସ୍ପର ଉପରେ ଦୋଷ ଲଦୁଛନ୍ତି । ମାନ୍ୟବର ମନ୍ତ୍ରୀ ବୈଠକ ଡାକି ଆଲୋଚନା କରିବା ସହ ଚାଷୀଙ୍କ ଧାନ ଉଠାନ୍ତୁ ନହେଲେ ଆମେ ଆନ୍ଦୋଳନ କରିବୁ । ଗୃହ ଚାଲିବା ଦରକାର ଓ ଚାଷୀଙ୍କ ଧାନ ଉଠିବା ଦରକାର ବୋଲି କହିଛନ୍ତି ତାରା । ତେବେ ଗୃହରେ ବିଜେପି ବିଧାୟକ ଆତ୍ମହତ୍ୟା ଉଦ୍ୟମ କରିବା ର୍ଦୁଭାଗ୍ୟଜନକ ବୋଲି କହିଛନ୍ତି ତାରା ।
