ରାଜସ୍ଥାନ ଗଲେ ୪୮ ବନ୍ୟଜନ୍ତୁ
ଭୁବନେଶ୍ୱର (ବଡ଼ ଖବର ବ୍ୟୁରୋ): ସେଣ୍ଟ୍ରାଲ ଯୁ ଅଇରେଟିଙ୍କ ଅନୁମୋଦନ କ୍ରମେ ହେଉଛି ବନ୍ୟଜନ୍ତୁ ଅଦଳବଦଳ କରାଯାଇଛି । ବୁଧବାର ନନ୍ଦନକାନନରୁ ରାଜସ୍ଥାନ ଯାଇଛି ୪୮ ବନ୍ୟଜନ୍ତୁ । ଏହା ବଦଳରେ ରାଜସ୍ଥାନରୁ ଆସିବେ ୮ ଜୀବଜନ୍ତୁ । ରାଜସ୍ଥାନ ଜୟପୁର ନହରଗଡ ଚିଡିଆଖାନାକୁ ଯାଇଛି ୨ ମହାବଳବାଘ । ବାଘ ସହ ୪୮ ଅନ୍ୟ ପଶୁୁପକ୍ଷୀଙ୍କୁ ସ୍ଥାନାନ୍ତର କରାଯାଇଛି । ଏନେଇ ରାଜସ୍ଥାନ ଚିଡିଆଖାନାରୁ ଏକ ୪ ଜଣିଆ ଟିମ ପହଞ୍ଚି ସମସ୍ତ ଜୀବଜନ୍ତୁଙ୍କୁ ଏକ କେଜରେ ଆବଦ୍ଧ କରି ରାଜସ୍ଥାନ ନିଆଯାଇଛି । ଯାଇଥିବା ବନ୍ୟଜନ୍ତୁଙ୍କ ମଧ୍ୟରେ ଧଳା ଅଣ୍ଡିରା ବାଘ ଚିନୁ ଓ ନାଲି ସାଧାରଣ ବାଘୁଣୀ ରାନୀ ରହିଛି ।
ସେହିପରି ଅଣ୍ଡିରା ବାରାହା ଓ ୪୮ଅନ୍ୟ ପ୍ରଜାତିର ରଙ୍ଗବେରଙ୍ଗର ପକ୍ଷୀଙ୍କୁ ବି ସ୍ଥାନାନ୍ତର କରାଯିବ । ସେଥିରେ ୧ ଯୋଡା କଲରାପତରିଆ ବାଘ । ଏକ ଯୋଡା ଧୂସର ଗଧିଆ, ଏକ ଯୋଡା ଘଡିଆଳ କୁମ୍ଭୀର , ୧ ଯୋଡା ଚିଙ୍କାରୀ ହରିଣ ଆସିବା ଲାଗି ସେଣ୍ଟ୍ରାଲ ଯୁ ଅଥରେଟି ଅନୁମୋଦନ କରିଛନ୍ତି । ବନ୍ୟଜନ୍ତୁଙ୍କ ଅଦଳ ବଦଳ ପ୍ରକ୍ରିୟାରେ ନନ୍ଦନକାନନର ସହକାରୀ ନିର୍ଦ୍ଦେଶକ ଅମୂଲ୍ୟ କୁମାର ପରିଡା ସହଯୋଗ କରିଛନ୍ତି ।