ଆରଡ଼ି (ବଡ଼ ଖବର ବ୍ୟୁରୋ): ଆଖଣ୍ଡଳମଣି ମନ୍ଦିରର ଜଣେ ସେବାୟତ କରୋନା ପଜିଟିଭ। ୨ଦିନ ପାଇଁ ମନ୍ଦିର ଓ ସାଧାରଣ ଭକ୍ତଙ୍କ ଦର୍ଶନ ବନ୍ଦ କଲା ପ୍ରଶାସନ । ମଣିବାବାଙ୍କ ନୀତିକାନ୍ତି ପାଇଁ ପାଳିଆ ସେବାୟତ ବ୍ୟତୀତ ଅନ୍ୟ ସେବାୟତଙ୍କୁ ଯିବାକୁ ମନା କରାଯାଇଛି। ଜିଲ୍ଲାପ୍ରଶାସନ ପକ୍ଷରୁ ମନ୍ଦିର ପରିସରକୁ ସାନିଟାଇଜ କରାଯିବା ପାଇଁ ନିର୍ଦ୍ଦେଶ ଦିଆଯାଇଛି।
ବାବାଙ୍କ ନୀତିକାନ୍ତି ଯେପରି ଭାବେ ଜାରି ରହିବ ସେଥିପାଇଁ ଆବଶ୍ୟକ ଅନୁଯାୟୀ ପାଳିଆ ସେବାୟତ ଓ ନିଯୋଗୀମାନେ ମନ୍ଦିରକୁ ଯିବେ। ଏହାଛଡା ଅନ୍ୟ ସେବାୟତ ଓ ସେବାକାରୀଙ୍କୁ ମନ୍ଦିର ଭିତରକୁ ଯିବାକୁ ମନା କରିଛି ପ୍ରଶାସନ। ଏଥିସହ ସମସ୍ତ ସେବାୟତ କରୋନା ରିପୋର୍ଟ ମନ୍ଦିର କାର୍ୟ୍ୟାଳୟରେ ୨ଦିନ ମଧ୍ୟରେ ଦାଖଲ କରିବାକୁ ପରାମର୍ଶ ଦେଇଛି ପ୍ରଶାସନ।
