ହାଇଦରକୁ କରୋନା

କଟକ (ବଡ଼ ଖବର ବ୍ୟୁରୋ): ହାଇଦର କରୋନା ପଜିଟିଭ, ରିମାଣ୍ଡ ସ୍ଥଗିତ । ଗ୍ୟାଙ୍ଗଷ୍ଟର ହାଇଦର କରୋନା ପଜିଟିଭ । ରିମାଣ୍ଡରେ ଆଣିବ ନାହିଁ ପୋଲିସ । ପ୍ରଥମେ ଆଣ୍ଟିଜେନ ଟେଷ୍ଟରୁ କରୋନା ନେଗେଟିଭ ଚିହ୍ନଟ ହୋଇଥିଲା । ନେଗେଟିଭ ଆସିବା ପରେ କୋର୍ଟରେ ହାଜର କରାଯାଇଥିଲା । ଆରଟିପିସିଆର ଟେଷ୍ଟ ରିପୋର୍ଟରୁ ପଜିଟିଭ ଆସିଛି । ଚୌଦ୍ୱାର ଜେଲରେ ଆଇସୋଲେସନରେ ହାଇଦରକୁ ରଖାଯାଇଛି ।

ସଂକ୍ରମଣରୁ ମୁକ୍ତ ନହେବା ଯାଏଁ ରିମାଣ୍ଡରେ ଯିବନି ହାଇଦର । ସୂଚନା ଦେଲେ କଟକ ଡିସିପି ପ୍ରତିକ ସିଂ । କରୋନା ପଜିଟିଭ୍ ଚିହ୍ନଟ ହେବା ପରେ ହାଇଦରର ରିମାଣ୍ଡକୁ ସ୍ଥଗିତ ରଖାଯାଇଛି। କଟକ ମଙ୍ଗଳାବାଗ ପୁଲିସ୍ ତାକୁ ଆଜିଠୁ ୭ ଦିନ ପର୍ଯ୍ୟନ୍ତ ରିମାଣ୍ଡରେ ନେଇଥାନ୍ତା।

ଶୁକ୍ରବାର ହାଇଦରକୁ କଟକ ସିଟି ଜେଏମଏଫସି କୋର୍ଟରେ ହାଜର କରାଯିବା ପରେ ଚୌଦ୍ୱାର ଜେଲକୁ ପଠାଇ ଦିଆଯାଇଥିଲା। ଆଜି ସକାଳ ୭ଟାରୁ ତା’ର ରିମାଣ୍ଡ ଅବଧି ଆରମ୍ଭ ହୋଇଥାନ୍ତା ଓ ଏହା ୨୩ ତାରିଖ ସକାଳ ୭ଟାରେ ଶେଷ ହୋଇଥାନ୍ତା। କିନ୍ତୁ କରୋନା ପଜିଟିଭ ଚିହ୍ନଟ ହେବା ପରେ ତାକୁ ଚୌଦ୍ୱାର ଜେଲର ଆଇସୋଲେସନ ୱାର୍ଡରେ ରଖାଯାଇଛି।