ଅଲଗା ହେବେ ବିଲ ଗେଟସ ଓ ମିଲିଣ୍ଡା ଗେଟସ

ୱାସିଂଟନ(ବଡ଼ ଖବର ବ୍ୟୁରୋ): ଅଲଗା ହେବେ ବିଲଗେଟସ ଓ ମିଲିଣ୍ଡା ଗେଟସ । ମଙ୍ଗଳବାର ଏନେଇ ଉଭୟ ଟ୍ୱିଟ କରି ସୂଚନା ଦେଇଛନ୍ତି । ସେ ଲେଖିଛନ୍ତି ଆଉ ଏକାଠି ରହି ଆଗକୁ ବଢ଼ିପାରିବୁ ବୋଲି ମନେକରୁନାହୁଁ । ତେଣୁ ବହୁ ଭାବିଚିନ୍ତି ଅଲଗା ହେବା ନେଇ ନିଷ୍ପତ୍ତି ନେଇଛୁ । ତେବେ ଗତ ୧୭ବର୍ଷ ମଧ୍ୟରେ ଏକାଠି ରହି ୩ଜଣ ପିଲାଙ୍କୁ ମଣିଷ କରିଛୁ । ଏହା ବ୍ୟତୀତ ବିଲ ଓ ମାଲିଣ୍ଡା ଭଳି ଫାଉଣ୍ଡେସନ ମଧ୍ୟ କରିଛୁ । ଯାହା ବିଶ୍ୱର ଅନେକ ଲୋକଙ୍କୁ ସୁସ୍ଥ ଓ ଉନ୍ନତ ଜୀବନ ବଞ୍ଚିବାରେ ସାହାଯ୍ୟ କରିଛି ।

ଆଗକୁ ଏହାର କାର୍ଯ୍ୟଧାରା ଜାରି ରହିବ । ଭିତ୍ତିଭୂମି ଆହୁରି ପ୍ରଶସ୍ତ କରାଯିବ । ଆମେ ଅଲଗା ହେଲେ ମଧ୍ୟ ଏହି ଫାଉଣ୍ଡେସନର କାର୍ଯ୍ୟ ପ୍ରଭାବିତ ହେବନି । କିନ୍ତୁ ଦମ୍ପତ୍ତି ଭାବେ ଆଉ ଆଗକୁ ବଢ଼ିପାରିବୁ ନାହିଁ । ତେବେ ୧୯୮୭ରେ ମିଲିଣ୍ଡା ଟେକ କମ୍ପାନୀ ମାଇକ୍ରୋସଫ୍ଟରେ ଯୋଗଦେବା ପରେ ବିଲ ଗେଟସଙ୍କ ସହ ଦେଖା ହୋଇଥିଲା । ୧୯୯୪ରେ ଉଭୟ ପ୍ରେମ ବିବାହ କରିଥିଲେ । ଆଉ ଏବେ ଦୁହେଁ ଅଲଗା ହେବାକୁ ଯାଉଛନ୍ତି ।