ଚେନ୍ନାଇ(ବଡ଼ ଖବର ବ୍ୟୁରୋ): ମନ୍ଦିରରେ ଠାକୁରଙ୍କୁ ଆରଧାନା କଲେ ଇଷ୍ଟ ଖଣ୍ଡନ ହୁଏ । ବିଭୁକୃପା ମିଳେ । ମନକୁ ଶାନ୍ତି ମିଳେ । ମନରୁ ଅପସରିଯାଏ ଖରାପ ଭାବନା । ଏହି ବିଶ୍ୱାସ ଯୁଗ ଯୁଗଧରି ରହିଆସିଛି । ସେଥିପାଇଁ ଲୋକମାନେ ମନ୍ଦିର ନିର୍ମାଣ କରନ୍ତି । ଠାକୁର ସ୍ଥାପନ କରି ପୂଜାର୍ଚ୍ଚନା କରନ୍ତି । ଜଗତ କଲ୍ୟାଣ ପାଇଁ ମନ୍ଦିରରେ ହୋମଯଜ୍ଞ କରିବା ସହ ଦରିଦ୍ରନାରାୟଣଙ୍କ ସେବା କରିଥାନ୍ତି । ତେବେ ମହାମାରୀ କରୋନା ଭୂତାଣୁକୁ ଲୋକେ ଦେବୀଭାବେ ଗ୍ରହଣ କରି ମନ୍ଦିରରେ ପୂଜାର୍ଚ୍ଚନା କରିବା ଆଶ୍ଚର୍ଯ୍ୟର ବିଷୟ ନିଶ୍ଚୟ । ଏହି ମନ୍ଦିରରେ ଚାଲିଛି ପୂଜାର୍ଚ୍ଚନା ଓ ହୋମଯଜ୍ଞ । ଏ ହେଉଛି କରୋନା ମା’ଙ୍କ ମନ୍ଦିର । କରୋନା ମା’ କୃପା କଲେ ଲୋକେ ଅସୁସ୍ଥ ହେବେ ନାହିଁ । କାହାର ମୃତ୍ୟୁ ହେବ ନାହିଁ । ଏହି ବିଶ୍ୱାସରେ ଚାଲିଛି କରୋନା ମା’ଙ୍କ ପୂଜାର୍ଚ୍ଚନା ।
ଏ ଭଳି ମନ୍ଦିର ରହିଛି ତାମିଲନାଡୁର କୋଏମ୍ବାଟୁର ନିକଟସ୍ଥ କମାତ୍ ଚି ପୁରମ୍ରେ । ଅଦୃଶ୍ୟ ଭୂତାଣୁ କରୋନା ମା’ଙ୍କ କୋପରୁ ବର୍ତ୍ତିବା ପାଇଁ ଗାଁ ଲୋକେ ଏକାଠି ହୋଇଥିଲେ । ତିଆରି କରିଛନ୍ତି ମନ୍ଦିର । ମନ୍ଦିରରେ ସ୍ଥାପନା ହୋଇଛନ୍ତି ଦେଢଫୁଟ ଉଚ୍ଚର ଗ୍ରାନାଇଟ୍ରେ ନିର୍ମିତ କରୋନା ମା’ଙ୍କ ମୂର୍ତ୍ତି । ମନ୍ଦିର ପରିଚାଳନା ପାଇଁ ଗାଁ ଲୋକମାନେ ଏକ କମିଟି ଗଠନ କରିଛନ୍ତି । କରୋନାର ଦ୍ୱିତୀୟ ଲହର ଦେଶବାସୀଙ୍କୁ ଅତିଷ୍ଠ କରିପକାଉଥିବାରୁ ମନ୍ଦିର ପରିଚାଳନା କମିଟିର ନିଷ୍ପତ୍ତି କ୍ରମେ ଆରମ୍ଭ ହୋଇଛି ସ୍ୱତନ୍ତ୍ର ପୂଜାର୍ଚ୍ଚନା । ୪୮ଦିନ ଧରି ଚାଲିବ ଏହି ପୂଜାର୍ଚ୍ଚନା । ତେବେ କୋଭିଡ କଟକଣା ପାଇନˆରୋନା ମା’ଙ୍କ ମନ୍ଦିରକୁ ଭକ୍ତଙ୍କ ପ୍ରପେଶ ନିଷେଧ ଥିଲେ ମଧ୍ୟ ସ୍ୱତନ୍ତ୍ର ପୂଜାର୍ଚ୍ଚନାରେ କେଔରସି ସମସ୍ୟା ନାହିଁ । ପୂଜକ ଓ ପୁରୋହିତମାନେ ବିଧିବିଧାନ ଅନୁସାରେ କରୋନା ମା’ଙ୍କ ସ୍ୱତନ୍ତ୍ର ପୂଜାର୍ଚ୍ଚନାରେ ଲାଗିପଡିଛନ୍ତି ।
