ଭାରତରେ ସୃଷ୍ଟି ଭୂତାଣୁ ଭାରିଆଣ୍ଟର ହେଲା ନାମକରଣ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଭାରତରେ ଦେଖା ଦେଇଥିବା ଭୂତାଣୁ ଷ୍ଟ୍ରେନର ନାମକରଣ କରିଛି ବିଶ୍ୱ ସ୍ୱାସ୍ଥ୍ୟ ସଂଗଠନ । ଭାରତରେ ଦେଖାଦେଇଥିବା କରୋନା ଭୂତାଣୁ ପ୍ରଜାତିକୁ ଭାରତୀୟ ଭାରିଆଣ୍ଟ ବୋଲି କୁହାଯିବାକୁ ନେଇ ଆପତ୍ତି କରିଥଇଲା ଭାରତ । ଏବେ ଏହାର ନାମରଣ କରି ଏହାର ନାଁ ‘ଡେଲଟା’ ରଖିଛି ବିଶ୍ୱ ସ୍ୱାସ୍ଥ୍ୟ ସଂଗଠନ । ତେବେ ଆଗରୁ ଇଂଲଣ୍ଡରେ ଦେଖାଦେଇଥିବା କରୋନା ଷ୍ଟ୍ରେନର ମଧ୍ୟ ନାମକରଣ କରାଯାଇଥିଲା । ଯାହାର ନାଁ ରଖାଯାଇଥିଲା ‘କାପା’ ।

ସେହିପରି ଦକ୍ଷିଣ ଆଫ୍ରିକାରେ ମଧ୍ୟ ଦେଖାଦେଇଥିବା ଷ୍ଟ୍ରେନର ନାଁ ‘ବିଟା’ ଓ ବ୍ରାଜିଲରେ ଦେଖାଦେଇଥିବା ଷ୍ଟ୍ରେନର ନାଁ ‘ଗାମା’ ରଖାଯାଇଛି । ସେହିପରି ବିଶ୍ୱରେ ଦେଖାଦେଇଥିବା କରୋନାର ଅନ୍ୟ ଭାରିଆଣ୍ଟର ମଧ୍ୟ ନାମକରଣ କରିଛି ବିଶ୍ୱ ସ୍ୱାସ୍ଥ୍ୟ ସଂଗଠନ । ଗ୍ରୀକ ଶବ୍ଦରୁ ଏହି ନାମ ଅଣାଯାଇଥିବା ସୂଚନା ମିଳିଛି ।