ପ୍ରକାଶ ପାଇଲା ମାଟ୍ରିକ ରେଜଲ୍ଟ
ଭୁବନେଶ୍ୱର(ବଡ଼ ଖବର ବ୍ୟୁରୋ): ମାଧ୍ୟମିକ ଶିକ୍ଷା ପରିଷଦ ଦ୍ୱାରା ପ୍ରକାଶ ପାଇଛି ମାଟ୍ରିକ ପରୀକ୍ଷା ଫଳ । କଟକ ମୁଖ୍ୟ କାର୍ଯ୍ୟାଳୟରେ ମାଟ୍ରିକ ପରୀକ୍ଷା ସହିତ ମଧ୍ୟମା ଏବଂ ରାଜ୍ୟ ମୁକ୍ତ ବିଦ୍ୟାଳୟ ସାର୍ଟିଫିକେଟ ପରୀକ୍ଷା ଫଳ ମଧ୍ୟ ଏକାସାଙ୍ଗରେ ପ୍ରକାଶ ପାଇଛି । ତେବେ ଏ ବର୍ଷ ୯୭.୮୯% ଛାତ୍ରଛାତ୍ରୀ ପାସ କରିଛନ୍ତି । ୫ଲକ୍ଷ ୬୨ହଜାର ୧୦ଜଣ ପାସ କରିଥିବା ବେଳେ ୭ହଜାର ୭ଜଣ ପିଲା ଫେଲ ହୋଇଛନ୍ତି । ତେବେ ପ୍ରଥମ କରି ବିନା ପରୀକ୍ଷାରେ ଫଳ ପ୍ରକାଶ ପାଇଛି । ଫଳ ପ୍ରକାଶ କଲେ ଗଣଶିକ୍ଷା ମନ୍ତ୍ରୀ ସମୀର ଦାଶ ।
ଏସଏମଏସ ମାଧ୍ୟମରେ ଜାଣିହେବ ଫଳ । ୫୬୭୬୭୫୦କୁ ଏସଏମଏସ କଲେ ଜାଣିହେବ । ଓଆର୦୧ଲେଖି ରୋଲ ନମ୍ବର ଦେଇ ଏସଏମଏସ କଲେ ନିଜର ଫଳ ଜାଣି ହେବ । ମାର୍କରେ ଅସନ୍ତୁଷ୍ଟ ଥିବା ପିଲା ଦେଇପାରିବେ ପରୀକ୍ଷା । ଜୁଲାଇ ୫ରେ ହେବ ଫର୍ମ ପୂରଣ । ଚଳିତବର୍ଷ ଏ୧ ଗ୍ରେଡରେ ପାସ କରିଛନ୍ତି ୨୬୫୬ । ଏ୨ ଗ୍ରେଡରେ ପାସ୍ ୨୨ହଜାର ୧୩୧ ପିଲା । ବି୧ ଗ୍ରେଡରେ ପାସ୍ କରିଛନ୍ତି ୫୨ହଜାର ୧୯୯ ଏବଂ ବି୨ ଗ୍ରେଡରେ ପାସ୍ କରିଛନ୍ତି ୯୪ହଜାର ୪୭୫ ପିଲା