ଗୋଟିଏ ଗଛରେ ୧୨୧ ପ୍ରକାର ଆମ୍ବ

(ବଡ଼ ଖବର ବ୍ୟୁରୋ) : ଗଛ ଗୋଟିଏ । ମାତ୍ର ଭଳିକି ଭଳି ଆମ୍ବ ଫଳିଛି । ଗୋଟିଏ ଗଛରେ ଫଳିଛି ୧୨୧ ପ୍ରକାରର ଆମ୍ବ । ଏଭଳି ଆମ୍ବ ଗଛ ବିଦେଶରେ ନୁହେଁ, ଆମ ଦେଶରେ ଅଛି । ଉତ୍ତରପ୍ରଦେଶର ସାହାରନପୁର ଜିଲ୍ଲା ଇଦ୍ଭ ଅଞ୍ଚଳରେ ଅଛି । ଆଉ ଆମ୍ବଗୁଡିକ ବେଶ୍ ଭଲ ହୋଇଛି । ଜିଲ୍ଲା ଉଦ୍ୟାନକୃଷି ବିଭାଗ ଏହି ଗଛ ସୃଷ୍ଟି କରିଛି ।

ଦୀର୍ଘ ୫ବର୍ଷ ହେବ ଗୋଟିଏ ଗଛରେ ଫଳୁଛି ୧୨୧ ପ୍ରକାର ଆମ୍ବ । ସବୁ ଆମ୍ବର ସ୍ୱାଦ ସମାନ ନୁହେଁ । ସବୁ ଆମ୍ବର ବାସ୍ନା ମଧ୍ୟ ସମାନ ନୁହେଁ । ଅଲଗା ଅଲଗା ସ୍ୱାଦ ଓ ଅଲଗା ଅଲାଗା ବାସ୍ନା । ନୂଆ ନୂଆ ଭେରାଇଟିର ଆମ୍ବ ପ୍ରସ୍ତୁତ ପାଇଁ ଏହି ଗଛ ଗବେଷଣାର ଏକ ଉତ୍ତମ ବାଧ୍ୟମ ପାଲଟିଛି ବୋଲି ସାହାରନପୁର ଉଦ୍ୟାନକୃଷି ବିଭାଗର ଯୁଗ୍ମ ନିର୍ଦ୍ଦେଶକ ବିଭୁ ପ୍ରକାଶ ରାମ କହିଛନ୍ତି ।