କାବୁଲର ନିକଟତର ହେଉଛି ତାଲିବାନ

ଭୁବନେଶ୍ୱର(ବଡ଼ ଖବର ବ୍ୟୁରୋ): ଦିନକୁ ଦିନ ଗମ୍ଭୀର ହେଉଛି ଆଫଗାନ ସ୍ଥିତି । ପୂର୍ବରୁ ଅଞ୍ଚଳ ଦଖଲ କରିବା ପାଇଁ ଯୁଦ୍ଧ କରିବାକୁ ପଡୁଥିବା ବେଳେ ଏବେ ବିନା ଯୁଦ୍ଧରେ ଆଫଗାନର ପ୍ରଦେଶକୁ ଦଖଲକୁ ନେବାରେ ଲାଗିଛି ତାଲିବାନ । ଆଜି ବିନା ଯୁଦ୍ଧରେ ଆଫଗାନିସ୍ତାନର ପୂର୍ବ ଜାଲାଲାବାଦକୁ ଦଖଲକୁ ନେଇଛି ।

ବର୍ତ୍ତମାନ କାବୁଲକୁ ଖୁବଶୀଘ୍ର ତାଲିବାନ ନିଜ ଦଖଲକୁ ନେବାକୁ ପ୍ରଚେଷ୍ଟା ଚଳାଇଛି । ୧୯ଟି ପ୍ରଦେଶ ଦଖଲ କରି ସେଠାରେ ନିଜର ଶାସନ ଲାଗୁ କରିଥିବା ତାଲିବାନ ଆଜି ରାତିରୁ ରାଜଧାନୀ କାବୁଲ ଦଖଲ ପ୍ରକ୍ରିୟା ଜାରି ରଖିଛି । ଏହାରି ଭିତରେ ନିଜ ଦେଶର ସାଧାରଣ ନାଗରିକଙ୍କୁ ସ୍ଥାନାନ୍ତର କରିବା ପାଇଁ ଆମେରିକା ଅଧିକ ସୈନ୍ୟ ଆଫଗାନିସ୍ତାନକୁ ପଠାଇଥିବା ଜଣାପଡ଼ିଛି ।