ଡିସେମ୍ବରରେ ଆସିପାରେ ଡିଜିଟାଲ କରେନ୍ସି

ମୁମ୍ବାଇ(ବଡ଼ ଖବର ବ୍ୟୁରୋ): ଆସନ୍ତା ଡିସେମ୍ବର ସୁଦ୍ଧା ଭାରତୀୟ ରିଜର୍ଭ ବ୍ୟାଙ୍କ ଲଞ୍ଚ କରିବ ପ୍ରଥମ ଡିଜିଟାଲ କରେନ୍ସି । ଏନେଇ ପ୍ରସ୍ତୁତି ଆରମ୍ଭ ହୋଇ ସାରିଛି । ରିଜର୍ଭ ବ୍ୟାଙ୍କ ଗଭର୍ଣ୍ଣର ଶକ୍ତିକାନ୍ତ ଦାସ ସିଏନବିସିକୁ ସାକ୍ଷାତକାର ଦେଇ କହିଛନ୍ତି, ପ୍ରଥମ ସେଣ୍ଟ୍ରାଲ ବ୍ୟାଙ୍କ ଡିଜିଟାଲ କରେନ୍ସି ପର୍ଯ୍ୟାୟକ୍ରମେ ଲଞ୍ଚ କରିବା ବ୍ୟବସ୍ଥା ହେଉଛି । ଏ କ୍ଷେତ୍ରରେ ପର୍ଯ୍ୟାପ୍ତ ସାବଧାନତା ଅବଲମ୍ବନ କରାଯିବ । କେବଳ ରିଜର୍ଭ ବ୍ୟାଙ୍କ ନୁହେଁ ସାରା ପୃଥିବୀ ପାଇଁ ଏହା ଏକ ନୂଆ ପ୍ରଡକ୍ଟ ।

ଡିସେମ୍ବର ପୂର୍ବରୁ ସିବିଡିସିର ପ୍ରଥମ ଟ୍ରାଏଲ କରାଯିବ । ତେବେ ଚୀନ, ଜାପାନ ଓ ସ୍ୱିଡେନ ଆଦି ଦେଶରେ ଡିଜିଯାଲ କରେନ୍ସି ଆରମ୍ଭ କରାଯାଇଛି । ଏବେ ୟୁକେ, ଆମେରିକା ମଧ୍ୟ ଏଦିଗରେ ଚିନ୍ତା କରୁଛନ୍ତି । ଭବିଷ୍ରତରେ ଡିଜିଟାଲ ମୁଦ୍ରାର ବହୁଳ ପ୍ରଚଳନ ହେବାର ସମ୍ଭାବନା ତିବାରୁ ଆରବିଆଇ ମଧ୍ୟ ଏଦିଗରେ ତତ୍ପର ହୋଇପଡ଼ିଛି ।