ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଏଣିକି ଜାତୀୟ ରାଜପଥରେ ଜରୁରୀ ଅବତରଣ କରିବ ବାୟୁସେନା ବିମାନ । ଏନେଇ ଚଳିତ ସପ୍ତାହରେ ରାଜସ୍ଥାନର ବାଡ଼ମେରର ଏକ ଜାତୀୟ ରାଜପଥରେ ଜରୁରୀ ଅବତରଣ ଅଭ୍ୟାସ କରିବ । ଏହି ବିମାନରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଏବଂ ସଡକ ପରିବହନ ମନ୍ତ୍ରୀ ନିତିନ ଗଡକରୀ ରହିବେ ବୋଲି ସୂଚନା ମିଳିଛି ।
ଏହା ସହ ଉଭୟ ମନ୍ତ୍ରୀ ଏହି ସପ୍ତାହରେ ବାଡ଼ମେର ଜାତୀୟ ରାଜପଥରେ ୩.୫ କିଲୋମିଟର ଲମ୍ବର ଏୟାରଷ୍ଟ୍ରିପ ଉଦଘାଟନ କରିବେ । ମିଳିଥିବା ସୂଚନା ଅନୁସାରେ ଭାରତର ପ୍ରଥମ ଜାତୀୟ ରାଜପଥ ହେବ ଯାହା ଭାରତୀୟ ବାୟୁସେନା ବିମାନର ଜରୁରୀ ଅବତରଣ ପାଇଁ ବ୍ୟବହୃତ ହେବ। ଅକ୍ଟୋବର ୨୦୧୭ ରେ, ବାୟୁସେନାର ଯୁଦ୍ଧ ବିମାନ ଲଖନଉ- ଆଗ୍ରା ଏକ୍ସପ୍ରେସୱେରେ ଏକ ଅବତରଣ ଅଭ୍ୟାସ କରିଥିଲା ଜ୍ଝ ତେବେ ଲଖନଉ-ଆଗ୍ରା ଏକ୍ସପ୍ରେସୱେ ଉତ୍ତରପ୍ରଦେଶ ସରକାରଙ୍କ ଅଧୀନରେ ରହିଛି ।
