ପଞ୍ଜଶୀରରୁ ସମଗ୍ର ଦେଶର ଶାସନ ନିୟନ୍ତ୍ରଣ କରିବା ଆମର ଲକ୍ଷ୍ୟ: ଅହମ୍ମଦ ମସୋଦ
(ବଡ଼ ଖବର ବ୍ୟୁରୋ): ବଢିଚାଲିଛି ତାଲିବାନର କ୍ରୁରତା । ଭୟରେ ଆଫଗାନ । ଆଫଗାନ ଅଧିକାର କରିବା ପରେ ତାଲିବାନ ତାର ମନମୁଖୀ ଶାସନ ଚାଳାଇଛି । କେଉଁଠି ଲୋକମାନଙ୍କୁ ଅତି ନିଷ୍ଠୁରତାର ସହ ମାରୁଛନ୍ତି ତ ଆଉ କେଉଁଠି ଆଖିମୁଜା ଗୁଳି ଚାଳନା କରୁଛନ୍ତି । କିନ୍ତୁ ଏବେ ସମାନ୍ତରାଳ ସରକାର ଗଠନ ପାଇଁ ପ୍ରସ୍ତୁତ ହେଉଛି ପଞ୍ଜଶୀରର ବିଦ୍ରୋହୀ ବାହିନୀ । ଏବେବି ଜାରି ରହିଛି ତାଲିବାନ-ପଞ୍ଜଶୀର ମଧ୍ୟରେ ଲଢେଇ ।
ତାଲିବାନ ପଂଜଶୀରରେ ବିଜୟ ହାସଲ କରିଥିବା ଦାବି ମିଥ୍ୟା ପ୍ରମାଣିତ ହୋଇଛି । ସେଠାରେ ଏବେ ବି ୫୦ରୁ ଅଧିକ ସ୍ଥାନରେ ଲଢ଼େଇ ଜାରି ରହିଛି। ପଂଜଶୀର ବିଦ୍ରୋହୀ ବାହିନୀ ପକ୍ଷରୁ ଆଜି ଘୋଷଣା କରାଯାଇଛି ଯେ ଆଫଗାନିସ୍ତାନରେ ସମାନ୍ତରାଳ ସରକାର ଘୋଷଣା କରିବା ଏବଂ ପଂଜଶୀରରୁ ସମଗ୍ର ଦେଶର ଶାସନ ନିୟନ୍ତ୍ରଣ କରିବା ଆମର ଲକ୍ଷ୍ୟ ହେବ।
ବିଦ୍ରୋହୀ ବାହିନୀ ନେତା ଅହମ୍ମଦ ମସୋଦ କହିଛନ୍ତି, ସମାନ୍ତରାଳ ସରକାର ଗଠନ ପାଇଁ ପ୍ରସ୍ତୁତି ଆରମ୍ଭ ହୋଇଯାଇଛି ଏବଂ ଅନ୍ୟ ପ୍ରଦେଶର ନେତାମାନଙ୍କ ସହ ଆଲୋଚନା ଆରମ୍ଭ ହୋଇଛି । ପଂଜଶୀର ବିଦ୍ରୋହୀ ବାଦହିନୀ ତାଲିବାନ କାମଚଳା ସରକାରକୁ ଅବୈଧ ବୋଲି କହିଛି। ଏହି ସରକାର ଲୋକଙ୍କ ଭୋଟ୍ ଆଧାରରେ ଗଠନ ହେବ ଏବଂ ଅନ୍ତର୍ଜାତୀୟ ସମୁଦାୟ ପାଇଁ ମଧ୍ୟ ଗ୍ରହଣୀୟ ହେବ।