ଫୁଲୁଛି ମହାନଦୀ
କଟକ (ବଡ଼ ଖବର ବ୍ୟୁରୋ): ଓଡ଼ିିଶାରୁ ଲଘୁଚାପ ହଟିଥିଲେ ମଧ୍ୟ ରାଜ୍ୟରେ ବନ୍ୟା ଆଶଙ୍କା ଦେଖାଦେଇଛି । ହୀରାକୁଦରେ ଊପରମୁଣ୍ଡରେ ଲଘୁଚାପ ଜନିତ ବର୍ଷା ଲାଗିରହିଛି । ଏହାକୁ ଆଖିରେ ରଖି ସମୁଦାୟ ୨୪ଟି ଗେଟ ଖୋଲାଯାଇଛି । ଏଥିଯୋଗୁଁ ମହାନଦୀରେ ମଧ୍ୟମ ଧରଣର ବନ୍ୟା ଆସିପାରେ । ହୀରାକୁଦ ଜଳଭଣ୍ଡାରର ଜଳଧାରଣା କ୍ଷମତା ୬୩୦ ଫୁଟ ରହିଥିବାବେଳେ ଏହା ୬୨୮.୩୩ ଫୁଟରେ ପହଞ୍ଚିଛି ।
ଗେଟ ଦେଇ ୩ ଲକ୍ଷ ୯୧ ହଜାର ୫୧୨ କ୍ୟୁସେକ , ପାୱାର ଚାନେଲ ଦେଇ ୨୬ ହଜାର ୭୦, ଶିଲ୍ପକୁ ୨୮୨ କ୍ୟୁସେକ, ଚାଷ ଜମି ପାଇଁ ୩ ହଜାର ୪୨୧ ଏପରି ମୋଟ ୪ ଲକ୍ଷ ୨୧ ହଜାର ୨୮୫ କ୍ୟୁସେକ ଜଳ ନିଷ୍କାସନ ହେଉଛି । ବର୍ତ୍ତମାନ ମୁଣ୍ଡୁଳି ଉପର ଭାଗର ଜଳସ୍ତର ୮୮.୯୦ ମିଟର ଓ ନିମ୍ନ ଭାଗର ଜଳସ୍ତର ରହିଛି ୮୭.୦୦ମିଟର। ପ୍ରତିସେକେଣ୍ଡକୁ ମୁଣ୍ଡୁଳିରୁ ୫ଲକ୍ଷ ୯୬ହଜାର ୯୫୦ କ୍ୟୁସେକ ଜଳ ପ୍ରବାହିତ ହେଉଛି।
ସେହିପରି ନରାଜରେ ଉପର ମୁଣ୍ଡ ରେ ୨୫.୨୦ ଓ ତଳ ମୁଣ୍ଡରେ ୨୨.୭୦ମିଟର ଜଳସ୍ତର ରହିଛି। ପ୍ରତି ଘଣ୍ଟାକୁ ୨ଲକ୍ଷ ୯୫, ୬୭୬ କ୍ୟୁସେକ ଜଳ ପ୍ରବାହିତ ହେଉଛି। ତେବେ ଯଦି ଉପର ମୁଣ୍ଡରେ ଏବଂ ଆଭ୍ୟନ୍ତରୀଣ ଓଡ଼ିଶାରେ ବର୍ଷା ଲାଗିରହେ ମହାନଦୀରେ ଜଳସ୍ତର ବଢିବ ଏବଂ ମଧ୍ୟମ ଧରଣର ବନ୍ୟା ଆସିପାରେ ।