ଆତଙ୍କୀ ହମଲା ଆଶଙ୍କା

ନୂଆଦିଲ୍ଲୀ(ବଡ଼ ଖବର ବ୍ୟୁରୋ):  କୁଖ୍ୟାତ ଆତଙ୍କବାଦୀ ସଂଗଠନ ISIକୁ ସମର୍ଥନ କରୁଥିବା ଆଉ ଏକ ଆତଙ୍କବାଦୀ ସଂଗଠନ ବିଷୟରେ ସୂଚନା ମିଳିଛି । ତେବେ ଏହି ପାକିସ୍ତାନ ଆତଙ୍କବାଦୀ ସଂସ୍ଥା ଆଗକୁ ଏକ ବଡଧରଣର ଆତଙ୍କବାଦୀ ହମଲା କରିବା ନେଇ ସତର୍କ କରାଇ ଦେଇଛି ଗୁଇନ୍ଦା ବିଭାଗ । ସବଠାରୁ ବଡ କଥା ହେଲା ଏହି ଆତଙ୍କବାଦୀ ହିଟ ଲିଷ୍ଟରେ ୨୦୦ରୁ ଅଧିକ ଲୋକ ଅଛନ୍ତି । ସୁରକ୍ଷା ସଂସ୍ଥା, ସେମାନଙ୍କୁ ସୂଚନା ଦେଉଥିବା ଲୋକ, ସରକାରଙ୍କ ସହ ଯୋଗାଯୋଗରେ ଥିବା ଗଣମାଧ୍ୟମ ପ୍ରତିନିଧି, କଶ୍ମୀର ବାହାରର ଲୋକ, କଶ୍ମୀର ପଣ୍ଡିତ ସରକାରୀ ଦଳ ନେତା ଆଦି ରହିଥିବା ଗୁଇନ୍ଦା ସୂଚନା ମିଳିଛି ।

ଗୁଇନ୍ଦା ବିଭାଗ ଆହୁରି ସୂଚନା ପାଇଛି ଯେ ପାକ ଅଧିକୃତ ମୁଜାଫରାବାଦରେ ଗତ ସେପ୍ଟେମ୍ବରରେ ISI ନେତୃତ୍ୱରେ ଅନ୍ୟ ଆତଙ୍କୀ ସଂଗଠନ ମୁଖ୍ୟଙ୍କୁ ନେଇ ଏକ ବୈଠକ ହୋଇଥିଲା । ଯେଉଁଥିରେ ଆତଙ୍କୀ ଆକ୍ରମଣକୁ ନେଇ ଯୋଜନା ହୋଇଥିଲା । ତେବେ ତଙ୍ଗଧାରାରୁ ଏଲଓସି ମାଧ୍ୟମରେ ପିସ୍ତଲ ଏବଂ ଗ୍ରେନଡ ଚୋରା ଚାଲାଣ କରାଯାଉଛି ବୋଲି ଗୁଇନ୍ଦା ଖବର ମିଳିଛି । ଖାଲି ଏତିକି ନୁହେଁ ଏକ ନୂତନ ଆତଙ୍କବାଦୀ ସଂଗଠନ ମଧ୍ୟ ଗଠନ କରାଯାଉଛି ବୋଲି ସୂଚନା ମିଳିଛି ।