ଭୁବନେଶ୍ୱର (ବଡ଼ ଖବର ବ୍ୟୁରୋ): ଓଡ଼ିଶା ଦେଖିଲା ରାଷ୍ଟ୍ରପତିଙ୍କ ସରଳତାର ଭାବ । ବିନ୍ଦୁସାଗର ଓ ପ୍ରଭୁ ଶ୍ରୀ ଲିଙ୍ଗରାଜଙ୍କୁ ଦର୍ଶନ କରିବାପାଇଁ ଖାଲିପାଦରେ ଚାଲି ଚାଲି ଗଲେ ଓଡ଼ିଆ ଝିଅ ଦ୍ରୌପଦୀ ମୁର୍ମୁ । ରାଷ୍ଟ୍ରପତିଙ୍କ ସହ ଖାଲି ପାଦରେ ଚାଲିଲେ ବରିଷ୍ଠ ଅଧିକାରୀ । କଡା ସୁରକ୍ଷା ଭିତରେ ବାବା ଲିଙ୍ଗରାଜଙ୍କ ମନ୍ଦିରରେ ପହଞ୍ଚିଥିଲେ । ସେଠାରେ ଆଦିବାସୀ ନୃତ୍ୟଗୀତରେ ରାଷ୍ଟ୍ରପତିଙ୍କୁ ସ୍ୱାଗତ କରାଯାଇଥିବା ବେଳେ ମନ୍ଦିରର ୪ ନିଯୋଗ ସମ୍ପାଦକ ତାଙ୍କୁ ପାଛୋଟି ନେଇଥିଲେ । ପୂଜା କରିବା ପୂର୍ବରୁ ରାଷ୍ଟ୍ରପତି ବିନ୍ଦୁ ସାଗରରେ ପାଦ ଧୋଇ ଖାଲି ପାଦରେ ଚାଲି ଚାଲି ମନ୍ଦିରରେ ପ୍ରବେଶ କରିଥିଲେ ।
