ପୁଅକୁ ନେଇ ନବୀନଙ୍କୁ ଭେଟାଇଲେ ସୁର, ସାଙ୍ଗରେ ଥିଲେ 5-ଟି ସଚିବ

ଭୁବନେଶ୍ୱର (ବଡ଼ ଖବର ବ୍ୟୁରୋ): ରାଜନୀତିରେ ଏକାଥରେ ଏଂଟ୍ରି କରିବେ ସୁରଙ୍କ ଦୁଇ ପୁଅ । ଜଣେ ଲଢିବେ ଲୋକସଭା, ଜଣେ ବିଧାନସଭା । ଏକଥା ଘୋଷଣା କରି ଆଉ ନିର୍ବାଚନ ଲଢିବେ ନାହିଁ ବୋଲି କହିଛନ୍ତି ଜଟଣୀ ବିଧାୟକ । ତେବେ ଏହି ଘୋଷଣାର ଠିକ୍ ପୂର୍ବରୁ ମୁଖ୍ୟମନ୍ତ୍ରୀ ତଥା ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କୁ ଭେଟିଛନ୍ତି ସୁର ରାଉତରାୟ । ପାଖରେ ଥିଲେ ୫-ଟି ସଚିବ ଭି.କେ ପାଣ୍ଡିଆନ । ସୁରଙ୍କ ସାଙ୍ଗରେ ଥିଲେ ବଡ଼ ପୁଅ ସିଦ୍ଧାର୍ଥ ରାଉତରାୟ । ତେବେ ଏହି ସାକ୍ଷାତକୁ ନେଇ ବିଧାୟକ କହିଛନ୍ତି, ଏହା ରାଜନୈତିକ ନୁହେଁ, ସଂପୂର୍ଣ୍ଣ ସୌଜନ୍ୟମୂଳକ । ବଡ଼ ପୁଅ ପର୍ବତ ଆରୋହଣରେ ସଫଳତା ହାସଲ କରିଛି । ସେହି ବିଷୟରେ ଆଲୋଚନା ହେଲା । ମୁଁ କଂଗ୍ରେସରେ ଅଛି । ପିଲାମାନେ ବି କଂଗ୍ରେସରେ ରହିବେ । ଜଟଣୀରୁ ସାନ ପୁଅ ମନ୍ମଥ ଲଢିବେ ବୋଲି ସେ କହିଛନ୍ତି ।