ପାରାଦୀପ ପରେ ଅସ୍ତରଙ୍ଗରେ ସନ୍ଦିଗ୍ଧ ପାରା

କାକଟପୁର (ବଡ଼ ଖବର ବ୍ୟୁରୋ):ପୁଣି ସନ୍ଦିଗ୍ଧ ପାରା ନେଇ ଭୟ । ପୁରୀ ଜିଲ୍ଲା ଅସ୍ତରଙ୍ଗ ବ୍ଲକ ନାନପୁର ପତି ସାହିରେ ପୁଣି ଏକ ଠାବ ହୋଇଛି ସନ୍ଦିଗ୍ଧ ପାରା । ପାରା ଦୁଇ ଗୋଡ଼ରେ ପିତଳ ଓ ପ୍ଲାଷ୍ଟିକ ଟ୍ୟାଗ ଥିବା ଜଣାପଡିଛି । ରୂପେନ ପତି ନାମକ ବ୍ୟକ୍ତିଙ୍କ ଛାତ ଉପରେ ୮ଦିନ ହେବ ଦେଖାଯାଉଥିବାବେଳେ ,ଗତକାଲି ସନ୍ଧ୍ୟାରେ ପାରାଟିକୁ କାବୁ କରି ପୋଲିସକୁ ଖବର ଦେଇଥିଲେ ।

ସ୍ଥାନୀୟ ପୋଲିସ , ଫରେଷ୍ଟ କର୍ମଚାରୀ ଉକ୍ତ ବ୍ୟକ୍ତିଙ୍କ ଘରକୁ ଆସି ପଚରା ଉଚରା କରିବା ସହିତ ପାରାଟିକୁ ଉଦ୍ଧାର କରି ଆଣିଛନ୍ତି । ପ୍ରାଥମିକ ଯାଞ୍ଚରୁ ଅନୁମାନ କରାଯାଉଛି, ଏହା ବିଶାଖାପାଟଣାର ଘରୋଇ ବା ପୋଷା ପାରା ବୋଲି । ଅସ୍ତରଙ୍ଗ ସାମୁଦ୍ରିକ ଥାନା ପାରାଟିକୁ ଆଣି ଫରେଷ୍ଟ ଡିପାର୍ଟମେଂଟ କୁ ହସ୍ତାନ୍ତର କରିଲା ପରେ , ପାରାକୁ ନେଇ ବିଶେଷ ଯାଞ୍ଚ କରାଯିବ ବୋଲି ସୂଚନା ରହିଛି ।